Tæplega 60% styðja viðræður.

Kjósendur virðast hafa skoðun þvert á flokkalínur í þessari könnun. 57% styðja viðræður og það er vel. Fólkið í landinu vill vita hverju hægt er að ná fram í aðildarviðræðum við ESB þvert á flokkalínur.

Næstum 60% VG kjósenda vill aðildarviðræður þó svo margir þingmenn flokksins séu andvígir þeirri stefnu. Ef til vill ættu þeir að hugsa sinn gang.

Meirihluti kjósenda Sjálfstæðisflokksins er andvígur og staðfestir það sem flestum er að vera ljóst að Sjálfstæðiflokkurinn hefur tapað leiðandi hlutverki á Íslandi sem hann hefur haldið nánast frá stofnun flokksins. Sjálfstæðisflokkurinn hefur ekki fundið fjölina sína síðan Bush og Bandaríkin spörkuðu honum um árið.

Það er gott að viðræður munu hefjast... það er vilji meirihluta þjóðarinnar og vonandi geta andstæðingar þessa komið að þessum viðræðum með vitrænum hætti og hætti niðurrifstali og skotgrafahernaði.

Það er lágmarkskrafa að sýna fólkinu í landinu þá virðingu að taka þessa umræðu á skynsamlegan, opinn og upplýsandi hátt.

Meirihluti styður viðræður

Athugasemdir

[Hans Haraldsson (IP-tala skráð) 30.7.2009 kl. 08:04]

57% þeirra sem hafa lyst á að kjósa VG aftur styðja "aðildarviðræður". Þú gleymir því kannski að VG mælist undir kjörfylgi núna (og athugaðu að VG koma alltaf betur út í könnunum heldur en kosningum).

Annars verður gaman að sjá hvernig þetta þróast. Hér er enn verið að spyrja um hinar saklausu "aðildarviðræður" sem kosta aðeins 990 milljónir. Sjáum hvernig staðan verður þegar það rennur upp fyrir fólki að ferlið er umfangsmeira, dýrara og meira skuldbindandi en ESB-sinnar hafa viljað vera láta.

Sérstaklega verða viðbrögðin áhugaverð þegar það fer að koma í ljós að það sem er í boði er aðild að sama Evrópusambandi og aðrar þjóðir hafa gengið í - engin sérdíll.

[Jón Ingi Cæsarsson, 30.7.2009 kl. 09:06]

Hans... þú gefur þér sem sagt að þeir sem styðja ekki viðræður séu farnir ? Þá er það bara svo og þetta er staðan þegar spurt er enda kjósa flokkinn ekki þeir sem eru farnir.