Tvískinnungur Jóns Bjarnasonar - Hann er farinn á taugum.

Jón Bjarnason gerir sitt besta til að tefja eða stöðva umsóknarferlið í ESB. Hann er á móti málinu og ýmsir hafa efast um stöðu hans sem ráðherra. Ráðherra sem vinnur ljóst og leynt gegn ríkisstjórnarsáttmálanum á auðvitað að snúa sér að öðrum verkefnum.

Jón Bjarnason er farinn á taugum og ljóst er að hann er að leita að einhverjum fyrirslætti á hugleysi sínu. ESB er þá ágætis ástæða því hann er hvort sem er á móti því máli og lýsir því vel tvískinnungi hans að gera það að ástæðu.

Ég hef aldrei haft trú á Jóni Bjarnasyni. Málflutningur hans á þingi er ruglingslegur og hann skortir alla framsýni og nútímaskilning. Það var því nokkuð óvænt að Steingrímur J þyrði að gera hann að ráðherra. Það gat ekki endað nema með vandræðum því maðurinn er einsýnn og þver.

Það verður að viðurkennast að Jón Bjarnason er sannarlega veiki hlekkurinn í þessari ríkisstjórn sem svo sannarlega þarf á því að halda að vera sterk í orði og verki.

 

Vill fresta umsóknarferli ESB

Athugasemdir

[Sigurður Þórðarson, 26.7.2009 kl. 13:40]

Ég er ekki sammála þér Jón á heiður skilið fyrir að liggja ekki marflatur fyrir hótunum ESB ríkja í garð Íslendingar eins og samstarfsflokkurinn vill gera.

[Jón Ingi Cæsarsson, 26.7.2009 kl. 13:46]

Maður sem gerir sitt besta að þjóðin fái að segja sitt í þjóðaratvæði á engan heiður skilinn. Flokkshestur sem vill hafa völdin á skrifborðinu "SÍNU"

Jón Bjarnason gekk nú í VG af því hann tapaði í prófkjöri Samfylkingarinnar um árið þannig að sannfæring hans byggir dálítið á eigin skinni.

[Jón Ingi Cæsarsson, 26.7.2009 kl. 13:52]

Ekki að segja sitt vildi ég sagt hafa

[Jón Ingi Cæsarsson, 26.7.2009 kl. 13:58]

Þungu áhyggjurnar hans Jón Bjarnasonar eru af því hann sér framá að Ísland verið tekið framfyrir margar þjóðir og eigi greiðari leið framundan en hann lét sér detta í hug.

Þungu áhyggjurnar eru sem sagt vegna þess að samingsstaða landsins er betri en hann hélt.

[kristinn (IP-tala skráð) 26.7.2009 kl. 14:42]

Jón Bjarnason er farinn á taugum og ljóst er að hann er að leita að einhverjum fyrirslætti á hugleysi sínu.

Mér sýnist þú nú frekar vera að fara á taugum af ótta við að SF muni kannski ekki takast að kjöldraga Ísland ofan í það svarthol sem ESB er.

[Valsól (IP-tala skráð) 26.7.2009 kl. 15:39]

Þetta er albesta lýsing á Jóni Bjarnasyni sem ég hef séð. Algjörlega sú upplifun sem ég hef á manninum. Ég skil það ekki hvernig var hægt að gera hann að ráðherra, alltaf þegar hann er spurður af einhverju kemur samhngislegt bull og ruglingur út úr manninum. Maður stendur eftir og veit ekkert um hvað hann var að tauta. Í aðdraganda kosninganna hlutsði maður á þennan Jón Bjarnason bulla út í eitt og svo gerir Steingrímur hann að ráðherra, Steingrímur hlýtur að hafa einhverja aðra mynd af manninum en við, enam hér sé bara um það að ræða að Steingrímur hafi látið undan þrýstingu frá heima héraði Jóns Bjarnasonar.

[Óðinn Þórisson, 26.7.2009 kl. 18:12]

Þetta sýnir fyst og fremst enn og aftur þann klofning sem er innan ríkisstjórnarinnar -
- en ég verð samt að hrósa Jón Bjarnasyni ábyrgur og flottur stjórnmálamaður þará ferð

[Ólafur Sveinn Haraldsson (IP-tala skráð) 26.7.2009 kl. 22:39]

Jón Bjarnason er samkvæmur sjálfum sér og á hrós skilið. Það er hins vegar taugaveiklun ykkar Alþýðuflokksmanna sem kemur meira og meira í ljós. Þið eruð eins máls flokkur, svo mikið er víst.

[Óskar Þorkelsson, 27.7.2009 kl. 01:48]

Jón Bjarnason er trúður..