Hvaða lönd eru ekki í ESB ? Ísland eitt eftir ?

Umræðan um ESB hefur mótast af upphrópunum, fullyrðingum og ómálefnalegum umræðum um bandalagið og meint óhæfi þess.

Það er merkilegt hversu mörg ríki vilja vera þarna og telja sér hag af því ef þetta er svona ömurlegt og óhugsandi eins og allt of margir hafa haldið fram. Þessar fullyrðingar byggja svo sem ekki á neinum rökum heldur er þetta frekar hluti af syndrómi sem hefur stundum hefur borið á hjá okkur íslendingum, vera á móti breytingum. Það er trúlega heimóttarskapur og ef til vill þjóðernisrembingur.

En hvaða þjóðir eru  það sem ekki eru þegar í ESB?

Noregur er þeirra stærst í vestur Evrópu. Þeir hafa þegar reynt tvisvar en almenningur hefur fellt það í þjóðaratkvæði. Nokkuð víðtæk stjórnmálaleg samstaða var um það mál en ekki hjá almenningi.

Sviss. Það er vegna rótgróinnar hlutleysisstefnu Sviss sem þeir hafa fylgt mjög lengi.

Hluti Balkanlandanna. Þó stefna þau flest að inngöngu en hafa ekki enn sem komið er náð að uppfylla þau skilyrði sem þarf til. Þar er Króatía fremst í flokki ef ég man rétt.

Rússland og ríki sem áður tilheyrðu Sovétríkjunum, t.d. Úkraína, Hvíta Rússland, Georgía og fleiri.

Mikið fleiri eru þessi ríki ekki og nú þegar eiga 27 ríki fulla aðild og nokkur 75% aðkomu í gegnum EES samninginn þar með talinn Noregur.

Eins og sjá má á kortinu eru það fá ríki sem eiga eftir að ganga til liðs við sambandið. Þó eru þau flest á leiðinni eins og t.d. ríki sem ég nefndi ekki áðan, Tyrkland.

Ég skil ekki þá umræðu sem fulltrúar þröngsýni og íhaldssemi stunda. Margir þeirra tala um að við getum og megum þetta ekki af því við afsölum okkur fullveldi. Sér er nú hvert bullið. Halda þessir sömu menn að Bretland, Þýskaland, Spánn, Ítalía og fleiri telji sig ekki vera fullvalda ríki ? Þvílíkt endemis bull sem þar er á ferð.

Þegar Balkanlöndin og Tyrkland hafa fengið aðild má reikna með að Norðmenn fari að hugsa sér til hreyfings. Það verður mjög erfitt fyrir ríki í Evrópu að stunda einangurnarstefnu gagnvart bandalaginu sem er fyrst og fremst viðskiptabandalag. Samkeppnisstaða þeirra ríkja verður óviðunandi og þau munu lenda úti á kanti í alþjóðaviðskiptum.

Sameinuð Evrópa er það vægi sem þarf í sívaxandi samkeppni í heiminum og hætt er við að Evrópa og þar með lönd innan álfunnar verði ekki samkeppninfær við stórveldin Bandaríkin, Kína og Rússland ef sameinaður kraftur verður ekki notaður í gegnum ESB.

Einstök ríki hafa litla burði til að standast samkeppni í nútímaviðskiptum nema vera hluti af sterkri viðskiptaheild. Það ættu menn á átta sig á nú þegar Ísland hefur tapað öllu sínu lánstrausti og viðskiptavild af því sumir hér héldu að við værum svo stór, sterk og frábær.

Utanríkismálanefnd margklofin um ESB-ályktunina

Athugasemdir

[Sigurður Þórðarson, 9.7.2009 kl. 10:17]

Sæll Jón minn,

 Þessi pistill þinn er algjör steypa.

EES er Evrópusambandið  + Noregur Ísland og Ligthenstein.

Sviss kemur ekkert nálægt þessu og heldur ekki öll hin löndin sem þú telur upp.

Norðmenn myndu tapa á að ganga í EB vegna þess að sjávarútvegur skiptir þá miklu og Íslendingar myndu tapa hlutfallslega meiru. 

[Héðinn Björnsson, 9.7.2009 kl. 10:21]

Það eru 50 -60 ríki í Evrópu (fer eftir því hvernig er talið) og um helmingur þeirra er í ESB. ESB ríkin hafa um 6/10 fólksfjölda og 3/4 af VLF Evrópu. Bara vegna þess að við þekkjum litið til Rússlands og Úkraínu gerir það þessi lönd ekki minni.

Hvað varðar fullveldið að þá töldum við okkur vera fullvalda 1918 þrátt fyrir að vera hluti af Danska konungsveldinu og samkvæmt þeirri skilgreiningu værum við klárlega áfram fullvalda í ESB. Það er þó bundið við að við fengjum útgönguleið eins og þá sem skrifuð var inn í Lissabonsáttmálann sem illa gengur að koma í gegn, en slíkur réttur er eitt klárasta merki um fullveldi.

Hvað varðar viðskiptahagsmunina og nauðsyn stærðarinnar að þá fer það allt eftir því hverskonar framtíð maður sér fyrir Ísland. Hvort við eigum að vera sérhæfður framleiðandi fyrir stóran markað sem myndi gera hagkerfi okkar dóminerað af fáum stórum fyrirtækjum, eða hvort við eigum að stefna að því að vera sjálfbært samfélag um hellstu nauðsynjar og byggja upp litlar framleiðslueiningar sem framleiða fyrst og fremst fyrir heimamarkaðinn. Báðar leiðir hafa kosti og galla en ég tel að Íslendingar eigi svo erfitt með að skipuleggja stór fyrirtæki (sökum smæðar samfélagsins og lítillar skipulagningshefðar) að sjálfbærnileiðin sé sú framtíðarsýn sem við eigum að stefna að.

[Jón Ingi Cæsarsson, 9.7.2009 kl. 10:23]

Ertu ekki að skilja þetta kæri Sigurður.. Ég veit vel hvað EES er og þær þjóðir sem þar eru hafa samþykkt bróðurpart af lögum og reglum ESB ... ég legg til að þú lesir þetta aftur.. í ESB eru 27 ríki.. þau grænu .. utan ESB eru fáein ,,eins og þú veist þarf af eiga þrjú 75% aðild í gegnum EES og eru lítil tíðindi fyrir mig.. Pistillinn eru um að það eru að verða mjög fá ríki í Evrópu utan ESB og fækkar enn á næstum árum ef þau ríki fá inngöngu sem um hafa sótt eða ætla að gera.

[Jón Ingi Cæsarsson, 9.7.2009 kl. 10:38]

Ríkin í ESB eru 27 + 3 sem eiga aðild gegnum EES.

Balkanlöndin eru 10 og stefna mörg inn í sambandið.

Lýðveldin umhverfis Rússland eru 9 þar af eru 3 þegar í sambandinu.

Tyrkland er á leiðinni.

Ef talið er að ríkin séu 60 eins og Héðinn segir er hann að telja með svæði eins og Vatíkanið, Gíbraltar og fleiri í þeim dúr sem má svo sem til sannsvegar færa að eru teljandi en hafa ekki vægi þjóðríkja.

Gera má ráð fyrir að bandalagsríkin verði orðin hátt í 40 eftir 10 ár...ræðst af því hversu fast fyrrum Sovétlýðveldi sækja fast.

[Þorsteinn Sch Thorsteinsson (IP-tala skráð) 9.7.2009 kl. 10:39]

Jón Ingi 

Hefur þú eitthvað á móti þvi að þessi lönd séu sjálfstæð og utan ESB, eða hvað?

Eiga öll lönd í Evrópu að vera undir þessu ESB-Social Dictatorship  bákni ykkar og/eða undir þessari ólýðræðislegri og skipaðri Framkvæmdarstjórn ESB , og undir þessum ólýðræðislegum stjórnarháttum, eða þar sem ESB-þingmenn geta alls ekki komið með eða lagt fram lagafrumvörp? 

Af hverju ættum við að óska eftir vera í ESB undir þessum ólýðræðislegum stjórnarháttum, eða þar sem Þingmenn ESB eru auk þess með takmarkaðan tíma og/eða nánast sagt engann tíma (1 til 2 min) til að veita andsvör á öllu því sem er þvíngað er ofan í þá, eða þar sem hver ESB -Þingmaður getur í mesta lagi náð að tala 12 mínútur á einu ári í þessu ESB-þingi, þú? 

Jón það er lítið sem ekkert lýðræði í ESB, en það er reyndar eitthvað sem þetta Samfylkingar- lið (eða þetta ísl.  Social Dictatorship) er svo ánægt með, er það ekki ? En ef lýðræði kæmist á í ESB myndi þetta ESB- Social Dictatorship- bákn ykkar hrynja algjörlega

[Jón Ingi Cæsarsson, 9.7.2009 kl. 10:45]

Ég ???

Þú veist að þau stefna inn af fúsum og frjálsum vilja... og ég reikna með að það sé að ígrunduðu máli Þorsteinn..

Ég reikna með að þau ráði því sjálf hvar þau vista sig til framtíðar þó hópur úrtölumanna á Íslandi sjái bara dauða og djöful í þessu.

[Þorsteinn Sch Thorsteinsson (IP-tala skráð) 9.7.2009 kl. 10:54]

Jón Ingi:  "Ríkin í ESB eru 27 + 3 sem eiga aðild gegnum EES. Balkanlöndin eru 10 og stefna mörg inn í sambandið. Lýðveldin umhverfis Rússland eru 9 þar af eru 3 þegar í sambandinu. Tyrkland er á leiðinni."

Hérna hvenær byrjar svo næsta áróðurshrina hjá ykkur ESB sinnum fyrir þessari "New World Order" hans Gordons Browns (ESB -sinna), eða áróður fyrir  "New World Governance" þeirra Burros og Sarkozy?  Já hvenær byrjar svo allur áróðurinn fyrir þessu Nýja Heimsskipulagi "New World Order" eða Tyranny  hérna á Íslandi hjá ykkur ESB -sinnum, eða þar sem þetta ESB-lið vill sameina öll þessi sambönd: Evrópusambandið (EU), Afríkusambandið (AU), Asíusambandið ( Asian Union), Suður-Ameríkusambandið (SAU), Mið-Ameríkusambandið (CAU) og hugsanlega fleiri sambönd undir eina alsherjar alheimsstjórn  "One World Governmet" eða  New World Order eða eitt risastórt Socialist Tyranny ( fyrir Central Banks elítuna)?

Hefur þú einhverja hugmyndir um hvað menn verða skipaðir þarna á bak við tjöldin  í þetta New World Order eða "One World Governmet" (þar sem menn eru ekki kosnir í Framkvæmdarstjórn heldur skipaðir) og allt gert fyrir þessa Central Bank- elítu, Committee of 300, Bilderberg- Rockefeller- og allt Rothschild liðið?

[Þorsteinn Sch Thorsteinsson (IP-tala skráð) 9.7.2009 kl. 11:16]

Jón Ingi :"Þú veist að þau stefna inn af fúsum og frjálsum vilja..."

Nei þessar þjóðir margar hverjar hafa verið blekktar og ESB-báknið er þekkt fyrir að notast við blekkingar, lygar og falskan áróður. En fáðu þér bókina: "The Great Deception The Secret history of the European Union" eftir Christopher Booker og Richard North, og/eða bókinni Rotten Heart of Europe eftir hann Bernard Connelly, þar getur þú séð eitthvað af þessum blekkingum og lygum sem ESB-báknið hefur notast við lengi eða í mörg ár. Nú ég mæli einnig með bókinni The European Union A critical Guide eftir Steven McGiffen 

[Sigurður Þórðarson, 9.7.2009 kl. 11:33]

Ef Íslendingar verða gerðir að Ísþrælum verða þeir örugglega meðfærilegri og hægt að drösla þeim inn sem bóbjargarmönnum.

[Jón Ingi Cæsarsson, 9.7.2009 kl. 11:37]

Þorsteinn... þetta eru nú meiri hálfvitarnir þarna í Evrópu..

Sigurður.. hlustaðu, skoðaðu, myndaðu þér skoðun og greiddu atkvæði í þjóðaratkvæði. Þannig eru leikreglur lýðræðisins. Niðurstaðan ræður hvort breyting verður á stöðu Íslands í alþjóðasamfélaginu.

[Þorsteinn Sch Thorsteinsson (IP-tala skráð) 9.7.2009 kl. 12:01]

Jón Ingi: "þetta eru nú meiri hálfvitarnir þarna í Evrópu.. "

Ha "..Þannig eru leikreglur lýðræðisins.." , en  þær eru ekki til í þessu Social Dictatorship- bákni ESB, ha Jón Ingi?  En eins og þú veist þá hafnaði ESB- báknið öllum aðildarríkjunum ESB nema Írum um einmitt þjóðatkvæðagreiðslu um Lissabon sáttmálann. Jón Ingi eru þetta ekki meiru "hálfvitarnir þarna í "þessu ólýðræðislega ESB-Social Dictatorship - bákni?

[Jón Ingi Cæsarsson, 9.7.2009 kl. 12:13]

Þorsteinn.. þú segir þá nei í þjóðaratvæðagreiðslunni... þú ert eitt atvæði þar. eða ca. 1/260.000 ...

[Víðir Benediktsson, 9.7.2009 kl. 17:29]

Jón, af hverju flytjið þið ESB sinnar ekki til bandalagsins fyrst það er svona gott og látið okkur hin í friði sem erum sátt við að vera ekki í sambandinu? Vil síður láta neyða mig ínn í einhvern afturhaldsklúbb. Ef þið hins vegar flytjið ættu allir að vera sáttir. Þið komin í sambandið og við utan þess.

[Jón Ingi Cæsarsson, 9.7.2009 kl. 17:40]

Af því við viljum vita hvor meirihlutinn vill fara í sambandið... ef svo fer getur þú flutt til Kúbu td...þeir eru ekki í bandalaginu.

[Víðir Benediktsson, 9.7.2009 kl. 19:07]

Myndi ekki geraa lítið úr Kúbu í þínum sporum. Samfylkingin hefur séð til þess að lifskjör hér eru síst betri.

[Þorsteinn Sch Thorsteinsson (IP-tala skráð) 9.7.2009 kl. 19:10]

Jón Ingi

Hvernig er það vilt þú Jón hérna ekki berjast fyrst fyrir lýðræðislegum þjóðatkvæðagreiðslum innan ESB- og/eða fyrir því að öll aðildarríki innan ESB fái að hafa lýðræðislegar þjóðatkvæðagreiðslum eins og td. um þennan Lissabon sáttmála,  svo og aðra sáttmála, áður en þú ferð að óska eftir því við höldum lýðræðislegar þjóðatkvæðagreiðslum fyrir eitthvað ólýðræðislegt bákn(ESB) 

[Jón Ingi Cæsarsson, 9.7.2009 kl. 19:11]

Að sjálfsögðu...en fyrst vil ég komast þar inn til að geta það.

[Jón Ingi Cæsarsson, 9.7.2009 kl. 19:16]

Er ég að gera lítið úr Kúbu.?. ég er að leggja hana til fyrir þig til að flytja ef við förum í ESB. Eru það ekki meðmæli.

Víðir... varstu nokkuð að hlusta á fréttirnar í Sjónvarpinu hvernig Framsóknarflokkur og Sjálfstæðisflokkur stóðu að einkavæðingunni þar og afleiðingum þess... ætli ábyrðin liggi ekki þar en flokki sem engu réð um þá framvindu.... er til lyf við alvarlegri afneitun...ef svo er ættir þú að taka svo sem tvær þrjá pillur... 

[Þorsteinn Sch Thorsteinsson (IP-tala skráð) 9.7.2009 kl. 19:39]

Jón "Að sjálfsögðu...en fyrst vil ég komast þar inn til að geta það."

Þegar þú ert kominn inn í þetta ESB- Social Dictatorship , getur þú nákvæmlega ekkert gert, já "eða þar sem ESB-þingmenn geta alls ekki komið með eða lagt fram lagafrumvörp"

Þar sem Þingmenn ESB eru með takmarkaðan tíma og/eða nánast sagt engann tíma (1 til 2 min) til að veita andsvör á öllu því sem er þvíngað er ofan í þá, eða þar sem hver ESB -Þingmaður getur í mesta lagi náð að tala 12 mínútur á einu ári í þessu ESB-þingi, þú?"

[Víðir Benediktsson, 9.7.2009 kl. 22:49]

Það hefur ekki hvarflað að mér að gera lítið úr ábyrgð Sjálfsstæðisflokksins eða Framsóknar Það er ekki einu sinni deilt um hana. Hins vegar er óþolandi þegar flokkur eins og Samfylkingin sem á sannarlega sinn þátt í hvernig komið er ætlar að skauta létt fram hjá ábyrgðinni og gerir ekki annað en kenna öðrum um. Það er ekki síður ábyrgðarhluti að gera "ekki neitt" En gera tóm vitleysu.