Nú reynir á Framsókn.

Það er merkilegt að fylgjast með bæjarmálefnum í Kópavogi. Staða Gunnars Birgissonar er sérkennileg og hann ríkir þarna svolítið með guðföðurlegum stíl. Ef einhver andmælir honum rís hann upp á afturfæturnar og gerir lítið úr þeim sem gagnrýnir eða vill ræða hans mál. Svolítið í anda Davíðs Oddssonar sem er hans lærimeistari í pólitík.

Óneitanlega eru tölur þær og upplýsingar sem hafa borist landsmönnum sérkennilegar og gefa sannarlega ástæðu til rannsókar. Það er ekkert nýtt að Gunnar sé þar sem vinnubrögð og aðferðir eru á gráu svæði. Fyrirtækið Klæðning var síður en svo óumdeilt á sínum tíma þegar Gunnar stjórnaði þar.

Samtryggingaflokkarnir eru við völd í Kópavogi og Reykjavík. Líklega síðustu stórvígin sem þessir flokkar ráða með gömlu helmingaskiptareglunni. Það er eitthvað sem kjósendur eru ekki tilbúnir að kyngja og þessi uppákoma í Kópavogi er óþægileg fyrir Gunnar því spilling er eitthvað sem menn eru ekki tilbúnir að leiða hjá sér eins og áður. Gunnnar verður því strípaður í þessu máli og allt dregið fram.

En hvað gerir Framsókn ?. Mun hún taka sénsinn að sökkva með Gunnari og Sjálfstæðisflokknum eða forða þeir sér.

 Á það mun reyna næstu daga.

Óttast ekki meirihlutaslit

Athugasemdir

[Gísli Baldvinsson (IP-tala skráð) 20.5.2009 kl. 12:33]

Það eru víst ekki margir meirihlutakostir án sjallana þarna!

[Jón Ingi Cæsarsson, 20.5.2009 kl. 16:54]

Sjallarnir eru kannski að undirbúa útafskiptingu hjá sér... vont að fara með þetta á bakinu í kosningar eftir ár.

[Óðinn Þórisson, 20.5.2009 kl. 17:58]

Óskar Bergsson vildi vinna með ábyrgum stjórnmálaflokki og kvaddi falskan tjarnarkvartett sem hafði ekki tekist á 100 dögum að gera málefnasamning - nú stefnir í gjaldþrot Árborgar undir forrystu sf ef ekkert verður að gert - þar væri heillavænlegast að SF myndi draga sig þar út úr meirihlutanum og hleypti Sjálfstæðisflokknum þar að - ég trúi því ekki að Ómar geri neina vitleysu

[Jón Ingi Cæsarsson, 20.5.2009 kl. 19:22]

Óðinn... mér finnst þú hafa all góða kímnigáfu. Ég veit ekki hversu margir deila þeirri skoðun þinni með þér að borgarstjórnarhópur Sjalla sé ábyrgur... eftir allt það sem á undan er gengið á þeim bænum...

[Jón Ingi Cæsarsson, 20.5.2009 kl. 19:25]

Gleymdi Árborgarcommentinu þínu. Öll sveitarfélög á Íslandi glíma við mikinn vanda og ef það er skoðun þín að Árborg sé í djúpum þá ættir þú að nefna Reykjanesbæ undir stjórn Sjálfstæðisflokksins... þar blasir við annað gjaldþrot ef sömu mælingum er beitt og í Árborg... þú vilt sem sagt meina að þar eigi Árni Sjálfstæðismaður að hleypa minnihlutanum að af því hann er með allt upp á bak ???

[Óðinn Þórisson, 21.5.2009 kl. 10:25]

70% Reyknesinga styðja Sjálfstæðisflokkinn - SF tapaði helmingi síns fylgis i síðustu kosningum - EN því miður sveik framsóknarmaðurinn þar Sjálfstæðisflokkinn sem hafði unnið kosningarnar - nú er spuring hvort sú ríkisstjórn sem þú styður og situr hér um stunarsakir geri með Helguvík.