Svartnættishagfræðingar.

Merkilegt á Íslandi. Frá því hremmingarnar hófust fyrir alvöru hefur sprottið fram ný tekund hagfræðinga sem hvergi sáust fyrir hrun. Einn þeirra er Gylfi Zoega. Hann hefur verið tíður gestur í fjölmiðlum og alltaf.... segir og skrifa..... alltaf sér hann fátt annað en svartnætti, dauða og djöful í hverju horni.

Auðvitað er ástandið grafalvarlegt. Því neitar enginn. En satt að segja þarf þjóðin ekki á svona mönnum að halda núna. Það þarf fólk sem talar kjark í fólk. Það þarf menn sem taka af raunsæi en jafnframt tillitssemi við fólkið í landinu. Það má ekki við svona svartagallsrausi, alveg sama þó eittvað sé til í því.

Ég skora á þessa hagfræðinga sem birtust skyndilega í fjölmiðlum fyrir nokkrum mánuðum að gæta hófs í orðum og framsetingu. Svona málflutingur er ekki það sem þjóðin þarf á erfiðum tímum.

Gylfi Zoëga: Svartar horfur á Íslandi

Athugasemdir

[Ragnar Gunnlaugsson, 20.2.2009 kl. 08:52]

Tek undir þetta afar leiðinlegt að hlusta á alla þessa svartsýnu hagfræðinga,ég hélt að við værum búin að taka næg lán erlendis nú væri frekar nauðsyn á að borga upp skuldir einstaklinga og fyrirtækja. Maður var endur nærður eftir að Tryggvi Herbertsson útskírði vel skulda stöðu ríkissjóðs í Kastljósi fyrir fáum dögum,manni leið mikið betur á eftir.

[Guðmundur Pétursson, 20.2.2009 kl. 09:17]

Það sem Gylfi er að gera er að vara við því að vanrækja ekki að byggja upp sambönd við  erlenda aðila og reyna að endurvinna eitthvað af því trausti sem beið mikla hnekki eða hreinlega hvarf við hrunið.  Það sem Tryggvi kom með var ofuneinföldun og mikil bjartsýnisspá, hvernig ætlum við t.d. að fjármagna fyrirsjáanlegan 3-400 milljarða fjárlagahalla næstu 3 ára?

Það er mikill kostur að vera bjartsýnn, en það má ekki alveg segja skilið við raunsæið.  Jafnvel strúturinn stingur ekki höfðinu ofan í sandinn.

[Lilja Guðrún Þorvaldsdóttir, 20.2.2009 kl. 13:08]

Þú segir að það þurfi fólk sem talar af raunsæi og jafnvel tillitssemi við fólkið í landinu. - Það er einmitt það sem Gylfi Zoega er að gera. -

Finnst þér betra að láta ljúga að þér og fólkinu í landinu. - Nei, þá held ég að sé betra að fá sannleikann, strax einsog hann er, og byrja strax að takast á við vandann. - Þannig getum við unnið okkur markvisst í gegnum þann vanda sem við okkur blasir

[Óskar Þorkelsson, 20.2.2009 kl. 13:45]

stingum hausnum í sandinn... heyrum ekkert sjáum ekkert og þá gerist ekkert :)

Ég vil menn sem segja satt og rétt frá.. þótt sannleikurinn sé erfiður..  

[Jón Ingi Cæsarsson, 20.2.2009 kl. 14:02]

ég er ekki að tala um að þegja... en gæta hófs og skynsemi í málflutingi... það er ekki sama hvernig tíðindi eru sögð.

[Ragnar Gunnlaugsson, 20.2.2009 kl. 20:21]

Hver er hinn stóri sannleikur mér sýnist hann breytast dag frá degi.