Dapurlegt vitni þess þegar menn missa stjórn.

Þegar ráðist var gegn lýðræðinu og Alþingishúsinu var lágt lagst. Skemmdarverk og ofbeldi fór úr öllum böndum og enginn axlaði ábyrgð á því.

Til þessara verka var hvatt með óábyrgum og sorglegum hætti. En sem betur fer áttaði meirihluti mótmælanda sig á hvert stefndi og tók höndum saman um að stöðva þessa óhæfu.

Til þessa hefði ef til vill ekki komið ef forsvarsmenn mótmælanna hefðu þorað að taka af skarið þegar sjást í hvað stefndi en það gerðu þeir ekki.

Þetta er þörf reynsla fyrir okkur í framtíðinni.... það skilar engu nema ósamlyndi og skaða að láta mótmæli snúast upp í ofbeldi og árásir.

Alþingishúsið enn laskað

Athugasemdir

[Benedikt Kaster (IP-tala skráð) 2.2.2009 kl. 09:36]

Dapurlegt að lesa þetta, hefði betur sleppt því en gerði ekki og sé mig nú knúinn til að svara þessari vitleysu.  Fólkið sem hefur starfað í húsinu áttu væntanlega við þegar þú ert að tala um að ráðast gegn lýðræðinu.

Skemmdarverk og enginn axlaði ábyrgð?  Hljómar kunnulega, þekki mikið af fólki sem hefur nánast misst allt sitt.   Allt frá fólki sem hefur nýlega keypt sér fasteign og til fólks sem hefur unnið allt sitt líf og ætlaði loksins að fá uppskeru erfiðisins, en æi sorrý við gleymdum okkur aðeins.

Loks áttaði meirihlutinn sem er að vinna í þinghúsinu hvað hafði gerst,  vá annars hefði nú getað endað illa.  Ef að forsvarsmenn flokkanna þarna ini hefðu nú tekið fyrr af skarið þegar sást hvað í stefndi en það gerðu þeir ekki.

Þetta er reynsla sem við þurfum klárlega að byggja á í framtíðinni, það skilar engu nema ósamlyndi og skaða að láta fólk vera að vinna þarna inni sem ekki er hæft til verka.  Það endar bara með ofbeldi og vitleysu þegar múgurinn segir skoðanir sýnar.  Það er ekkrt hlustað og menn verða eiginlega bara alveg brjál og fara jafnvel að skemma og ekki er það nú gott.

Við erum að tala um skemmdir upp á alveg 12 milljónir eða meira vá þetta eru svakalegar tölur.

En fólkið þarna inni skilur hvort eð er ekki svona litlar tölur, því að það hefur enginn þorað að segja það ennþá...  Ísland er gjaldþrota og því miður ekki bara tæknilega heldur líka stjórnarfarslega.

Mér þykir sorglegt að sjá svona skrif á opinberum vettfangi, frá einhverjum manni sem titlar sig sem varabæjarfulltrúa, formann skipulagsnefndar og eitthvað meira.

Með von um góða stjórn og lítið af skemmdarverkum.

Kveðja Benedikt Kaster.

[Jón Ingi Cæsarsson, 2.2.2009 kl. 10:47]

Benedikt... þú skilur þetta greinilega ekki... og ekki ætla ég að reyna að breyta því.

 Þó vil ég segja ... Alþingi er ekki bara hús eða vinnustaður... það er táknmynd lýðræðis sem við viljum búa við. Samkvæmt stjórnarskrá er Alþingi friðhelgur staður og árásir á það eru brot á stjórnarskrá.

Neðar verður ekki komist í lýðræðisríki en það skilja ekki allir.

[Benedikt Kaster (IP-tala skráð) 2.2.2009 kl. 11:20]

Skil þetta vel og þarf ekki frekar á þinni aðstoð að halda með það.  Þú þarft ekki að reyna að breyta mínum skoðunum og takk fyrir að reyna það ekki.  Reyndar er Alþingi ekki hús heldur Alþingishúsið.  Táknmynd lýðræðis?  Kannski fyrir einhverju síðan en því miður ekki lengur.  Veit að þetta er frihelgur staður og brot á stjórnarskrá að ráðast gegn því.  Þú hefur kannski ekki tekið eftir því að í færslu minni hér að framan er ég á móti skemmdarverkum.  Vona að þeir sem unnu þar skemmdir þurfi að svara fyrir.  Sama gildir um það hverjir unnu skemmdarverk á íslensku efnahagslífi til langs tíma, ég vill að þeir svari til saka.  Skil ekki hvernig menn sem bendla sig við einstaka flokka reyna ekki að taka umræðu sem skiptir einhverju máli.  Lýðræði gott þú minntist á það,  kallar þú það lýðræði þegar peningum er dælt í kosningabaráttu af skattfé almennings og einungis þeir flokkar sem sitja á þingi fá þar að leika sér með.

Með von um virkt lýðræði í næstu kosningum.

Kv. Benedikt Kaster

[Víðir Benediktsson, 2.2.2009 kl. 12:05]

Reikna dæmið til enda Jón. Þetta er ekki tapað fé. Einhverjir fengu vinnu við að gera við, þeir fengu greitt. Svo borga þeir 35% aftur til ríkisins í formi skatta. Eftirstöðvarnar nota þeir til að versla og borga aftur 24,5% í virðisaukaskatt til ríkisins. Hefðu þeir ekki fengið þessa vinnu hefði hugsanlega þurft að borga þeim atvinnuleysisbætur þannig að útkoman er hugsanlega 0 kr. fyrir ríkið. Mér finnst það ekki mikill kostnaður fyrir að losna við Sjálfsstæðisflokkinn úr ríkisstjórn.

[Óskar Þorkelsson, 2.2.2009 kl. 14:51]

Ég held að víðir sé að ná því að breyta mér í frammara með frammistöðu sinni hér 

[Jón Halldór Guðmundsson, 2.2.2009 kl. 16:07]

Jahá. Nú er aldeilis. Ég verð að segja að ég dáldið sammála mörgum og ekki ósammála neinu sem hér hefur komið fram. Það er dapurlegt þegar fólk ræðst gegn táknmynd lýðræðisins, Alþingishúsinu. En af hverju gerði íslenskur almenningur það? Vegna þess að það þolir ekki að stjórnvöld okkar geri það sem ríkisstjórnin gerði.  Ríkisstjórnin tók ekki á málum, virtist líða spillingu, gaf almenningi ónógar upplýsingar, glataði trausti.

Mótmælendur gengu of langt í árásum á lögreglu, það fannst mér, en ég gladdist þegar stór hópur mótmælenda varði lögregluna. Mér leið eins og við hefðum unnið gullið í handbolta á Ólympíuleikunum, en það voru hvorki Þorgerður Katrín eða Hanna Birna mættar, heldur venjulegt fólk.

[Lilja Guðrún Þorvaldsdóttir, 2.2.2009 kl. 16:48]

Mætur maður sagði við mig fyrir framan Alþingishúsið 20. janúar sl. - Þegar ég vara að dásama stemninguna, samkenndina og samstöðu fólksins sem þúsundum saman stóðu hringinn í krigum Alþingishúsið,  og börðu sína potta og pönnur svo úr varð þungur og kraftmikill "Búsáhaldabúggýblús" sem unun var á að hlýða. -

Þá sagði þessi mæti maður:   - Inni í húsinu er skríllinn sem hefur leyft vinum sínum og vandamönnum að vaða uppi rænandi og ruplandi, skríll sem hefur rænt Íslenska Alþýðu aleigu sinni og ærunni með. -

 En hér úti stendur þjóðin, því ún getur ekki annað,  og reynir að vekja skrílinn sem hengir haus þarna inni, vekja skrílinn af þyrnirósarsvefni sínum hann hefur sofið í, í bráðum átján ár.-

Þetta mundir þú skilja, Jón Ingi, ef þú hefðir verið þarna.-   Þá mundir þú vafalaust spyrja þess sama og fólkið spurði :  Hvernig gátu fulltrúar fólksins, sem kosnir voru til Alþingis svikist svona aftan að þjóð sinni,  sem þeir höfðu svarið þess eið að verja af öllum sínum mætti, ella segja af sér þingmennsku.

[Anna Dóra Gunnarsdóttir, 2.2.2009 kl. 21:58]

Mér þótti frekar fyndir þegar talað var um Alþingishúsið og lýðræði í sömu andrá, en á næstu rúmlega áttatíu dögum vona ég og held að sá brandari breytist í ábyrga alvöru.