Ætlar Framfaraflokkurinn að stela lífeyri landsmanna ?

" Lífeyrissjóðirnir eiga vel á annað þúsund milljarða króna sem fólkið hefur lagt þeim til. Nú er lag að nota hluta þessa fjármagns til að gera upp skuldir heimilanna, þannig nýtist fjármagnið fyrir fólkið á þessum erfiðum tímum. Lífeyririnn sem fólkið hefur skapað sér í gegnum árin yfirfærist á eignir þeirra, sem verða skuldlausar og ígildi lífeyris í staðinn. Jafnvel er hugsanlegt að nota peningana einnig til að losna undan oki Alþjóða gjaldeyrissjóðsins og skapa þannig svigrúm fyrir Íslendinga að leysa málin með sínu lagi,“ segir Framfaraflokkurinn."

Þett er ein undarlegasta framsetning sem ég hef séð á ævi minni !!

Það ætti kannski að upplýsa þennan ágæta mann um að lífeyrissjóðirnir eiga ekki þessa milljarða. Það er fólkið í landinu sem á þessa fjármuni til lififramfærslu í ellinni.

Menn éta ekki steypu þegar launagreiðslum sleppir.

Nú vill formaður Framfaraflokksins taka þessa fjármuni og nota þá eftir geðþótta sínum. Það heitir að stela.... því ég og væntanlega aðrir viljum ekki að pólitískir pótintátar noti fjármuni okkar eftir eigin geðþótta.

Þjóðfélagið er fjölskyldan

Athugasemdir

[Sigurður H (IP-tala skráð) 14.1.2009 kl. 16:53]

er það þjófnaður já...ég sé ekki stuldinn í því að nota þann pening sem fólk Á í að greiða niður skuldir þeirra sem verst eru settuir í þessu samfélagi.

en skoðum þá þinn flokk örlítið sem nú situr sveittur við að reyna fela slóð fjárglæframanna sem hafa verið rausnarlegir í sjoði Samfylkingarinnar og kannski náð að kaupa sér frið með Því, allavega virðist lítið vera gerast í ykkar málum, heyrist hvorki hóst né stuna mörðuninn þinn, held að þú ættir að skammast þín og gæta hvern þú þjófkennir þegar þinn flokkur er í bullandi yfirvinnu við að hylma yfir og fela slóð fjárglæframanna. sé síðan ekki betur en að þinn flokkur ætli að samþykja þegjandi og hljóðalaust slátrun heilbrigðiskerfissins en utanríkismálinn og fækkun sendiráða og sendiherra er hverki minnst á....skrítið svo ekki sé meira sagt.

[sturla jonsson (IP-tala skráð) 14.1.2009 kl. 17:04]

Eg veit ekki betur en að fólk hafi oftar en ekki bigt hús til þess eiga lífeiri fyrir efri árin.

það virka einfaldlega að fólk selur eignir og minkar við sig þar af leiðandi er komin lífeirinn sem þú ert að tala um að stela.

Hitt er líka að fólk getur selt þá eignina og far inn á elliheimili og þar af leiðandi komið með meiri peninga á milli handana

heldur en að fá eingöngu greit úr lýfeissjóðum.

svo verður þú að lesa oftar yfir ef þú skilur ekki hvað er verið að skrifa um eða eða leita upplisinga.

Sturla Jónsson

[Óskar Helgi Helgason (IP-tala skráð) 14.1.2009 kl. 17:25]

Góðan dag; Jón Ingi, sem aðrir skrifarar og innlitendur !

Jón Ingi ! Ég vil byrja á; að vara þig við, að brigzla Sturlu Jónssyni; um þjófnaðar hyggju, eða þá aðrar hvatir þær, sem þitt fólk; í Samfylkingu andskotans, hafa verið fullfær um, að tileinka sér, til þessa, sem á daginn er komið, í samfélagi okkar.

Þitt fólk; hefir haft ráðrúm til, Jón Ingi, að kynnast glæpaverkum Sjálfstæðisflokksins, eða frá Maí mánuði 2007, og getið ekkert, skorast undan þeirri ábyrgð, sem þið berið, á vandamálum samtímans.

Sturlu Jónsson þekki ég; persónulega, af góðu einu, og vita mátt þú, Jón Ingi Cæsarsson, að Sturla hefir, frá blautu barnsbeini öðlast sín eigur, á heiðarlegan máta, og án allra þeirra klækjabragða, hverjum frjálshyggju fólkinu þínu, hefir verið svo tamt, að tileinka sér, sem dæmin sanna, þótt,.... eflaust eigi meiri óþverri eftir að koma upp, eftir skemmdarverk Sjálfstæðis manna - Framsóknarmanna, og félaga þinna, í Samfylkingunni, undanfarin ár og misseri, Jón Ingi.

Með snúðugum kveðjum; úr Árnesþingi suður /

Óskar Helgi Helgason     

[Jón Halldór Guðmundsson, 14.1.2009 kl. 18:39]

Alltaf þegar rætt er um að fá lífeyrissjóðina til að styrkja íslenskt athafnalíf, eða fjármálakerfi eða gjaldmiðil, rís menn upp og benda á að þessir sjóðir séu til að borga eftirlaun íslensks launafólks. 

Þetta er út af fyrir sig rétt, en nú þegar svo er komið að eignir lansdmanna hafa gufað upp í fjármálafári, fjöldaatvinnuleysi blasir við og höggva verður niður íslenskt velferðarkerfi og að kjör alls almennings hrapa enn vegna óðaverðbólgu, þá geta talsmenn lífeyrissjóðanna staðið hjá og neitað samstarfi.

Ég tel skoðunarvert að setja alla lífeyrissjóði í einn og jafna niður lífeyrisréttindum landsmanna. Allra.

[Óskar Aðalgeir Óskarsson, 14.1.2009 kl. 18:42]

Jón Ingi,

             ég held að þú ættir að hugsa þig nokkrum sinnum um áður en þú ferð að ásaka einhverja um að ætla að stela einhverju. Eitt mesta rán heimssögunnar hefur verið framið,heil þjóð hefur verið svipt ærunni og lífsmöguleikum. Fyrst komu Sjálfgræðgisflokkurinn og skækjan Framagosadís,þau undirbjuggu jarðveginn. Eftir tólf ára samvist gafst FLOKKURINN upp á skækjunni og valdi sér nýja.Þar varð Samspillingin fyrir valinu,og þið hafið setið glottandi í skækjusætinu á meðan útrásardvergarnir 30 nauðguðu Mjallhvíti(Íslandi) ,og þar berið þið ekki litla ábyrgð.                                                                                                                     

[Jón Ingi Cæsarsson, 14.1.2009 kl. 19:43]

Krakkar mínir... ég er að tala sem einstaklingur sem á minn uppsafnaða hlut í lífeyrissjóði... ég er náðasamlegast að biða stjórnmálamenn að halda sig fjarri þeirri eign minni og annarra .... þetta er okkar lífeyrir að loknum vinnudegi og stjórnmálamenn ( td Sturla ) eiga ekki að gera út á þá sjóði með hugmyndir sínar....

og kynnið ykkur nú hvað lífeyrissjóður er.... !!

[Óskar Helgi Helgason (IP-tala skráð) 14.1.2009 kl. 20:31]

Sælir enn !

Jón Ingi ! Þetta aumkunarverða andsvar þitt; á sér, að orðtaki, hjá frændum mínum, Vestlendingum og Sunnlendingum; að draga í land, á einkar snautlegan hátt, þá rökþrotið er svo auðsætt, hvers þess máls, hvar við á, hverju sinni.

Vertu nú; sá maður, Eyfirðingur sæll, og bið þú Sturlu Jónsson, afsökunar, á gönuhlaupi þínu síðdegis, með lastaskrifum þínum, Jón Ingi !

Og; værir enn meiri maður að, afneitaðir þú glæpamanna forystusveit Samfylkingarinnar, á landsvísu, hver er að koma öðrum hverjum Íslendingi, til Heljar, með hátterni sinna illræða - sem illgjörða, með yfirstýringunni, frá Sjálfstæðisflokknum - dauða hvelju frjálshyggjunnar.

Með kveðjum; þótt þurrlegar séu, sem oftar /

Óskar Helgi Helgason   

[Jón Ingi Cæsarsson, 14.1.2009 kl. 20:46]

Óskar... ég get ekki tekið ábyrgð á skilningsleysi þínum á norðlenskan texta og reikna varla með að Sturla taki nærri sér þó flokkur hans þurfi að þola gagnrýni... ef svo er ætti hann að hætta við

[Óskar Helgi Helgason (IP-tala skráð) 14.1.2009 kl. 21:09]

Sælir; enn !

Jón Ingi ! Hví; svarar þú mér, með útúrsnúningum, og fimbulfambi þessu ?

Getir þú ekki; yfirlýstur jafnaðarmaðurinn, svarað mínum fyrirspurnum, á aðra vegu, en þú gerir hér, hlýtur þú ódrengur að kallast, unz þú; að minnsta kosti biðjir Sturlu afsökunar.

Svo teldi ég; ekkert ofvirki, hjá þér, að sverja þig, eins og maður, frá þessarri glæpahreyfingu, sem Samfylkingin hefir sannað sig í, að vera.

Viljir þú; sem önnur flokkssystkini þín, sitja undir ámæli, í þeirri þjóðfélagsólgu, og óáran, hverri frjálshyggjan hefir af sér leitt - þá skal svo vera, en,... vita skaltu, Jón Ingi, að litla sæmd munuð þið af hljóta, sem kyrr sitjið, þar í ranni, og skömm ykkar ævarandi, þar með, uppi verða.

Með kveðjum; þurrlegum enn, sem áður /

Óskar Helgi Helgason

[Gísli Baldvinsson (IP-tala skráð) 15.1.2009 kl. 09:00]

Ég sé Jón minn að samúðin er lítil í þessum svörum. Þeir sem svara þér, (ég skildi ekki allt) vita t.d. ekki að við sem stóðum í launabaráttu við ríkið var alltaf sagt að 5-7% krafna var ýtt út af borðinu vegna góðra lífeyriskjara. Þessu vísað inn í framtíðina. Þeir vita t.d. ekki að þessi lífeyrisréttur er varinn af stjórnarskránni og þannig er verið að hvetja til brota á henni (eignarupptaka). Vafalaust hefur farið í þeirra fínustu taugar að þú notaðir orðið "stela". Þó menn deila þá eiga kveðjur að vera hlýlegar, annars eru menn farinir yfir í það persónulega. mkk gb