Komið út í tóma vitleysu.

Ég efast ekki um það eitt einasta andartak að þessi rúðubrot tengjast framgöngu og málflutningi Evu Hauksdóttur í þeim ljótu atburðum sem átt hafa sér stað í Reykjavík að undanförnu.

Með þeim aðferðum sem verið er að beita eru menn að ýfa upp hatur og reiði og hætt við að slíkt gæti færst í aukanna ef menn fara ekki að hugsa sinn gang. Ég hef alltaf sagt að ofbeldi og skemmdarverk skila ekki árangri. Þau kalla miklu heldur á aukin skemmdarverk og ofbeldi .... það verður stigmögnun sem ekki verður við ráðið.

Hættan á að einhver láti lífið eða stórslasist vex með hverju degi og lögreglan er ekki öfundsverð að mæta þessum litla hópi manna sem virðast einskis svífast.

Síðan er það fólkið sem þorir að tala og mæla þessu bót sem lendir fyrir hefndarráðstöfunum þeirra sem eru á svipuðu þroskastigi á hinum vængnum. Ekki er hægt  að hefna sín á hinum raunverulegu skemmdarvörgum því þeir hylja andlit sín.... þess í stað er ráðist gegn þeim sem eru sjálfskipaðir talsmenn og hvatningsmenn þessa ofbeldis. Þess vegna er líklegt að þessir atburðir eru að eiga sér stað í Nornabúðinni.

Ég skora á menn að takast á við málefni líðandi stundar af þroska og skynsemi og láti af ofbeldi og skemmdarverkum því slíkt er bara til skaða og skilar engum málstað í höfn.

Ráðist gegn Nornabúðinni

Athugasemdir

[Skorrdal (IP-tala skráð) 2.1.2009 kl. 15:21]

Lögreglan er gerandi, ekki þolandi. Um leið og þú gerir þér grein fyrir því, þá breytist þitt hugarfar. Spurningin er bara, hversu marga lögreglan þarf að drepa til að þú áttir þig á því.

[Flosi Kristjánsson, 2.1.2009 kl. 15:31]

Þetta er komið út í tóma vitleysu, segi ég líka, maður sem er eldri en tvævetur. Ég hef reynt það á eigin skinni hverju það skilar að sækja mál sitt með ofsa og frekju; að skammast út í fólk hátt og í hljóði, hæða menn og hrakyrða. Það virkaði afskaplega illa hjá mér og svo mun verða hjá öðrum, hygg ég.

Samskipti manna í millum eru ekki ólík því að horfa í spegil: maður fær til baka það sem maður sendir frá sér. Þannig er nú það.

[Frikkinn, 2.1.2009 kl. 15:36]

Ofbeldi elur af sér ofbeldi. Það er bara þannig. Lögreglan er einungis að sinna hlutverki sínu og við meigum ekki gleyma að þeir eru líka launþegar í þessu landi sem finna jafn fyrir ástandinu eins og við hin.  Kveðja norður