Jarðskjálftahrinur á Skjálfanda.

 

 

Nokkrar hrinur jarðskjálfta hafa orðið á brotabeltum fyrir Norðurlandi. Aðalega hafa þetta verið skjálftar á norðara beltinu sem liggur frá Axarfirði um Grímsey. Nú bregður svo við að tvær hrinur hafa komið á syðra beltinu sem liggur um Húsavík, Skjálfanda, Gjögur og úti fyrir mynni Eyjafjarðar. Tvær hrinur með fjölda lítilla skjálfta hafa orðið nærri Flatey og stendur sú seinni yfir núna. Þeirri fyrri lauk að mestu í fyrrakvöld.

Jarðskjálftar eru algengir á Skjálfandaflóa eins og nafnið bendir til. Síðstu stórskjálftar þarna voru í apríl 1872 þegar tveir 6.3 stiga skjálftar á Richter riðu yfir.

Hér er smá greinarstúfur um það sem þá gerðist og ég fann á netinu.

"Á Norðurlandi má rekja upptök flestra skjálfta til svæðis sem nær allt frá Öxarfirði í austri til Skaga í vesri. Þetta þverbrotabelti er sundurskorið af misgengjum sem hreyfast innbyrðis. Það sem af er þess ari öld má rekja flest alla stærri jarðskjálfta nsem riðið hafa yfir á Íslandi til þessa beltis.

Árið 1872 jafnaði jarðskjálftahrina Húsavík við jörðu. Fyrst urðu þar miklar skemmdir á húsum en að lokum var ekki eitt einasta hús uppistandandi. Hundruð manna urðu því húsvilltir. Daginn eftir urðu menn á Flatey á Skjálfanda varir við smá kippi og svo skyndilega kom svo snarpur skjálfti svo að hlutum lá við hruni. Klukkustund seinna reið yfir miklu sterkari skjálfti. Við það sogaðist sjórinn skyndilega út og sáu þorpsbúar hvar risa alda skall á land. Skemmdust öll hús og tveir bæir hrundu alveg. Í Flateyjarsókn skemmdust eða hrundu flest hús en kirkjunni var bjargað með fimm járnböndum. Við þennan jarðskjálfta runnu snjóflóð og skriður hver á eftir annari og í minni Eyjafjarðar var mikið um skriðuföll. "

Það er áhugavert að fylgjast með þróun þarna en ljóst er að þarna er löngu kominn tími á að þarna losni út mikil spenna.