Sjónarmið frjálslyndari Sjálfstæðismanna.

Það er ljóst og hefur verið um nokkurt skeið að Sjálfstæðisflokkurinn er klofinn í afstöðu til ýmissa mála. Þar takast á gamla nýfrjálshyggjuliðið undir forsjá og leiðsögn Davíðs Odssonar og Geirs Haarde. Þó finnst mér stundum að Geir sé beggja handa járn í afstöðu sinni.

Svo eru það frjálslyndari og hófsamari þingmenn og flokksmenn sem ekki hafa verið við völd í flokknum en hafa fengið að vera með. Þar er fremst í flokki varaformaðurinn sem sannarlega hefur staðið fyrir gildum sem liggja nær jafnaðarstefnu en það sem Sjálfstæðisflokkurinn hefur praktiserað frá því fyrir 1990.

Bak við tjöldin í Sjálfstæðisflokknum eiga sér nú stað átök sem ekki hafa náð til yfirborðs að neinu marki. Mér er kunnugt um að nokkuð hefur verið um úrsagnir úr Sjálfstæðisflokknum og mér sýnist miðað við þau nöfn sem nefnd eru að þetta séu menn og konur sem hafa hafnað þeirri stefnu sem rekin hefur verið, vilja sækja um inngöngu í ESB og vilja falla frá frjálshygguáherslum þeim sem forustan hefur staðið fyrir.

Hvort þetta brotthvarf þessa fólks dragi úr líkum á því að Sjálfstæðisflokkurinn færi stefnu sína nær miðjusinnaðri viðhorfum og endurnýjar utanríkissýn sína skal ósagt látið.

Þó má það vera flestum ljóst að margir þeir sem vilja breyta þessum flokki horfa til Þorgerðar Katrínar því hún er sem stendur eini valdamaðurinn í þessum flokki sem þorir að segja skoðun sína á t.d. málefnum er varða ESB og evru. Hjá flestum hinna er þetta ekki á dagskrá.

Þorgerður: Taka þarf afstöðu til ESB og evru

Athugasemdir

[Geiri (IP-tala skráð) 28.10.2008 kl. 17:07]

Almenningur er einfaldlega byrjaður að tengja mikla neikvæðni við andlit Geirs og ég tel að ferill hans muni aldrei jafna sig.

Hún er pottþétt framtíðarleiðtogi flokksins. Ég tel að eina leiðin til þess að minnka fall flokksins í næstu kosningum sé að Geir viðurkenni mistökin og víki, þá gæti flokkurinn byrjað upp á nýtt með Þorgerði Katrínu sem formann. Hún er sveigjanlegri og ekki hrædd við að endurskoða stefnurnar, einnig myndi hún ekki láta klíkurisaeðlur eins og Davíð Oddson hafa áhrif á ákvörðunartöku sína.