Hvað er ég búinn að heyra þetta oft ?

"Ekki tímabært að ræða ESB".

Hvað er ég búinn að heyra þetta oft hjá Geir Haarde og Sjálfstæðisflokknum undanfarin ár. Nú hefur allt farið á hliðina, þjóðin vill ræða þessi mál og hefja ferli og skoðun.... og enn sama setningin " ekki tímabært" o.s.frv.

Sama sagði Ögmundur Jónasson vinstri grænn í Fréttablaðinu í dag. " Ekki rétti tíminn". Ögmundur... þetta ert þú búinn að segja 1000 sinnum við ýmiskonar aðstæður.... hver er þessi andsk. rétti tími sem þú ert alltaf að tala um. Óábyrgur stjórnmálamaður og við þessar aðstæður eru sjónarmið hans og afturhald nánast hættulegt.

Geir.... hrektu nú af þér slyðruorðið og segðu eitthvað annað en Davíð Oddsson kenndi þér að segja fyrir mögum árum.... nú er 2008... allt í volli og kominn tími til að tengja.

Ekki tímabært að ræða um ESB

Athugasemdir

[Skúli (IP-tala skráð) 27.10.2008 kl. 18:25]

Það er nefnilega allt svo frábært í ESB löndunum núna?

[Hjálmtýr V Heiðdal, 27.10.2008 kl. 18:27]

Það verður aldrei tímabært að ræða þessi mál við Geir og Ögmund. Ekki meðan þeir eru í stjórnmálum. Það verður kanski hægt að ræða við þá þegar þeir verða komnir á elliheimil og þjóðin löngu gengin í ESB. Rétti tíminn fyrir þjóðina til að ræða inngönguskilyrðin var fyrir nokkrum árum. En því miður var það ekki gert.

[Jón Steinar Ragnarsson, 27.10.2008 kl. 18:59]

Ég þori að fullyrða að það er enginn af þessum 70% sem getur tekið efnislega afstöðu til þessa eða rökstutt stuðning sinn. Það ríkir alger vanþekking á því hvað um ræðir og það meira að segja hjá ráðamönnum. Skilyrðin eru óljós, en víst að þau kosta okkur auðlindirnar og sjálfsákvörðunaréttinn. Hvað er þá eftir?

Fólk heldur að Evrópubandalagið sé mynt og telur að það muni bjarga efnahagnum ef það heitir evra. Staðreyndin er hinsvegar sú að hvert land er ábyrgt fyrir hagstjórn sinni og er verðbólga t.d afar misjöfn í löndunum og þar með verðgildi evrúnnar. Spánverjar horfa nú t.d. fram á kreppu og er það algerlega háð óvarlegri hagstjórn þeirra.

Íslendingum er ekki treystandi fyrir evru frekar en krónu. Dæmi væri nákvæmlega það sama, nema að máske stæðum við sterkar með að láta hysja upp um okkur buxurnar, þegar við höfum drullað á okkur. Það er þó ekki gefið. Mörg lönd eru til dæmis um það.

Annað. Ísland uppfyllir ekki og hefur ekki uppfyllt kröfur um jafnvægi í ríkisbúskap, sem er meginforsenda inntöku. Þetta er bara sama mjálmið um patentlausnir og ávallt hér á landi. Fólk hefur ekki hundsvit á því sem það er að blaðra. Sorry. 

Ég hef ekki hátt  álit á sjálfstæðisflokki né Geir Haarde, en hérna er ég gallhart á sama máli.

[Jónas Tryggvi Jóhannsson, 27.10.2008 kl. 19:31]

Bíddu Jón Steinar! "Skilyrðin eru óljós, en víst að þau kosta okkur auðlindirnar og sjálfsákvörðunaréttinn. Hvað er þá eftir?" Þetta er bara algjört bull hjá þér!

Skilyrðin eru auðvitað óljós á meðan við sækjum ekki um og fáum aðildarsamningana í hendurnar, og því augljóst mál að það á að gera það sem fyrst til að skýra umræðuna. Hitt er samt alveg ljóst að við erum ekki að láta frá okkur auðlindirnar á neinn hátt; það vita allir sem kynna sér málin eitthvað, þannig að það er mjög undarlegt að sjá svona besserwissara athugasemd frá einhverjum sem heldur þvílíku rugli fram. Sameiginlega auðlindastefna ESB er mótuð í kringum sameiginlegar auðlindir, ekki staðbundnar eins og 85% af fiskveiðiauðlindinni okkar er - um hina 15% deilistofna semjum við nú þegar við Evrópusambandið um. Reglan um Hlutfallslegan Stöðuleika í nýtingu auðlinda innan Evrópusambandsins tryggir að við munum ein fá úthlutað veiðiheimildum úr þessum staðbundnu stofnum - og því mun sjávarauðlindin ekkert breytast. Evrópusambandið hefur svo ekkert tilkall til annarra auðlinda því þær eru ekki sameiginlegar að neinu leiti.

Þrátt fyrir að Ísland uppfylli ekki Maastricht sáttmálann nú og geti því reglum samkvæmt ekki orðið aðili að Myntbandalagi Evrópu (EMU) þá er ekkert víst hvað gerist í aðildarsamningaviðræðum Íslendinga. Við erum eina þjóðin sem sækir um í neyð eftir að hafa sótt hjálp í Alþjóðagjaldeyrissjóðinn - aum þess að vera búinn að taka upp yfir 2/3 af regluverki sambandsins (eins og Olli Rehn stækkunarstjóri sambandsins hefur bent á). Ég myndi því bíða með allar svona fullyrðingar þangað til aðildarsamningar liggja á borðinu. Forsvarsmenn Evrópusambandsins hafa þegar lýst því yfir að Íslendingar fengju skyndimeðferð þar inn, og með ónýtan gjaldmiðil má alveg vona að við fáum einhverjar undanþágur þar - t.d. aðgang að ERM-II  strax eða eitthvað þess háttar. Þetta er ekki patent-lausn, heldur framtíðarlausn sem við getum vonandi fengið fyrir 2013.

Ég frábið mér um leið allar ásakanir um að vita ekki um hvað ég er að tala - vanþekkinging og fordómar virðist nú að einhverju leiti vera þín megin.

[Sævar Helgason, 27.10.2008 kl. 20:22]

"Skilyrðin eru óljós, en víst að þau kosta okkur auðlindirnar og sjálfsákvörðunaréttinn. Hvað er þá eftir?"

Er þetta svona hjá ESB þjóðunum ?   Hvað með Svía ?  þeirra auðlindir ?

Hvað með Finna ? Þeirra auðlindir ?   Írar  ? Þeirra auðlindir ?

Er ekki málið mjög einfalt ? Aðildarviðræður eru upphafið og þar kemur í ljós hver okkar staða er. Síðan kemur einhver niðurstaða sem þjóðin verður að taka afstöðu til.  Vonandi verður blóminn af þjóðinn ekki flúinn land áður en til þess kemur...

[Jón Ingi Cæsarsson, 28.10.2008 kl. 07:21]

Þessir frasar um að sjálfákvörðunarréttur... auðlindir og allt þetta verði af okkur tekinn er þvæla. Halda menn að stoltar þjóðir eins og finnar, svíar og danir væru þarna upp á þau býtti. Eða írar sem halda því fram að efnahagur þeirra hefði farið sömu leið og okkar ef þeir hefði ekki verið innan seðlabanka Evrópu með evru.

Hættum þessu hysteríukjaftæði og förum í viðræður...strax.

Svo veltir maður fyrir sér hvert, það sem sumir kalla sjálfstæði og sjálfsákvörðunarrétt,  hefur skilað okkur.... litumst um..

[Óðinn Þórisson, 28.10.2008 kl. 10:55]

það er því miður ekkert annað í stöðunni en að sækja um aðild að esb og taka upp evru