Bretum til ævarandi skammar.

Gordon Brown staðfesti það sem margir óttuðust. Hryðjuverkalög yrðu notuð til að skerða mannréttindi og brjóta á öðrum ef það hentaði.

Misnotkun Gordon Brown á breskum hryðjuverkalögum mun koma bretum í koll þegar lengra verður um liðið. Ég reikna með að þessi ákvörðun verði bretum til ævarandi skammar og muni þegar fram í sækir verða þeim til álitshnekkis á alþjóðavettvangi.

Ég tel það einboðið að á það verði láti reyna að kæra breta fyrir þeim alþjóðastofnunum sem um svona mál fjalla.

Þessi gjörningur er alvarleg atlaga að mannréttindum hins almenna íslendings. Það ber að kæra og líklega munu bretar fá ákúrur og fordæmingu fyrir þennan gjörning.

Mér finnst sárt í þessu tilfelli að þarna skuli fara fyrir maður sem kallar sig jafnaðarmann. Það er skelfileg öfugmælavísa á innræti og hæfni Gordon Brown sem er ekkert annað er gamaldags lénsherra sem beitir valdi á minnimáttar.

Gott dæmi um misnotkun laga

Athugasemdir

[Gísli Baldvinsson (IP-tala skráð) 23.10.2008 kl. 12:50]

Enda ætti ISG að senda honum eitt lettersbréf.