Heimsveldi á staurfótum.

Miklar hetjur bretar. Forsætisráðherrann sem kennir sig við jafnaðarmennsku telur það sæma sér og þjóð sinni að ráðast á bræðraþjóð í vanda. Íslendingar fá enn einu sinni að kenna á fávisku breta því þrisvar sinnum áður hafa  þeir talið sér það sæmandi að beita okkur hervaldi, vopnalausa þjóðina.

Heimsveldið gamla er á staurfótum og það eina sem þora er að ráðast að vopnlausri smáþjóð í vanda...sorglegur karakter.

Nú þegar hópur ógætinna og gráðugra fésýslumanna hafa komið þjóðinni í vanda kemur fulltrúi breska heimsveldisins og sparkar í liggjandi þjóð. Það lýsir innræti þessa sorglega manns sem reynir með þessu að beina athygli landa sinna frá dapurri stöðu sinni í stjórnmálum.

Gordon Brown er því miður svartur blettur á sóma jafnaðarmanna og ætti að hverfa úr embætti sem fyrst. Það er betra að semja við stjórnmálamenn þar í landi sem hægt er að kalla heiðarlega. Það sem hann gerði er bresku þjóðinni til ævarandi skammar.

„Sparkað í liggjandi (Ís)land"

Athugasemdir

[Guðbjörn Guðbjörnsson, 10.10.2008 kl. 22:36]

Síðan hvenær eru Bretar svona mikil bræðraþjóð okkar?

Ég kannast bara ekkert við það. Yfirgangur á fiskimiðum árhundruðum saman og illa þokkaðir í viðskiptum á miðöldum og fram eftir öllu og síðan þorskastríðin.

Seinni heimsstyrjöldin er það eina sem þeirra hafa sér til málsbóta - virkilega það eina!

[Blaðamenn Foldarinnar, 10.10.2008 kl. 22:44]

Við vitum ekki betur en Brown sé jafn mikill jafnaðarmaður og Jón Ingi Cæsarson og aðrir samfylkingarpratar, að því undanskyldu, að Brown hefur ekki ennþá verið í ríkisstjórn eða bæjarstjórn með íhaldinu.

Svo megum við ekki gleyma, að jafnaðarmenn eru engir jafnaðarmenn, aðeins íhaldshækjur og götóttar brækur.

-ALy

[Óskar Þorkelsson, 10.10.2008 kl. 23:07]

Bretar eru ekki, hafa aldrei og munu aldrei vera bræðraþjóð íslendinga.. það var þangað sem við sóttum þræla... 

[Reynir Stefánsson (IP-tala skráð) 11.10.2008 kl. 00:33]

Sannarlega ömurleg framkoma forsætisráðherra Bretlands við okkur Íslendinga.  Er ekki alveg sáttur við hvernig íslensk stjórnvöld hafa brugðist við árásum þessa manns á okkur.  Geir er mikið prúðmenni og kurteis og vill ábyggilega ekki fara í átök við bretana en nú er eiginlega nóg komið.  Það er búið að rústa mannorði okkar þarna úti í hinum stóra heimi og óvíst hversu langan tíma það tekur að vinna það upp aftur.