Þjóðin að bjarga sjálftökuliðinu.

Einkavæðingin hefur nú birst þjóðinni í sinni grimmustu mynd. Einu sinni var til Úvegsbankinn í ríkiseigu og Alþýðubankinn auk síðan Iðnaðarbankans. Þessir þrír sameinuðust og urðu á Íslandsbanka ásamt fleiru.

Síðan varð til Glitnir...dæmigerður fjármagnseigendabanki sem mokaði hundruðum milljóna í stjórendur sína...td. núverandi bankastjóri fékk 300 millur fyrir það eitt að byrja. Hann er nú orðinn starfsmaður ríkisins og endurgreiðir vafalaust þessar milljónir sem hlut upp í þessar 84 milljarða sem við ætlum að leggja þeim til sem gerðu upp á bak.

Eins og einhver hér á undan segir svo snyrtilega.... einkvæðum gróðan .. ríkisvæðum tapið.

Nú er bara að vona að hinir tveir stórbankarnir sem Sjálfstæðismenn og Framsóknarmenn gáfu vinum sínum standi þetta af sér.... við ráðum varla við að hafa þrjá ríkisbanka.

Ríkið eignast 75% í Glitni

Athugasemdir

[Haukur Nikulásson, 29.9.2008 kl. 10:25]

Bjarni Ármannsson er líklega sá sem sleppur best frá þessu ævintýri. Með milljarðana í vasanum

[Múmía (IP-tala skráð) 29.9.2008 kl. 10:31]

Kannske græðgisvæða gróðann, skattborgaravæða tapið....

[Baldvin Baldvinsson (IP-tala skráð) 29.9.2008 kl. 10:34]

Já þetta er frelsið í hnotskurn.

Merkilegt nokk að í gegnum tíðina hefur þessi flokkur Sjálfstæðis í landinu staðið vörð fyrir því að frelsið fái að njóta sín. Þegar harðnar á dalnum koma þessir plebbar skríðandi eins og kjölturakkar til að fá klapp á kollinn fyrir að hafa gert mistök.  Þetta er dæmigert fyrir auðvaldið í þessu landi. Þeir hefðu átt að leyfa þessum vesalingum að fara á hausinn og taka afleiðingum eigin gjörða. Það vakna upp ótal spurningar þegar svona gerist í landi þar sem ekki er hægt að borga hinum almenna verkamanni sómasamleg laun. Hver eru skilaboð þessarar ríkisstjórnar til almennings til launþega, verkalýðfélaga og allra þeirra aðila sem eru að ramba á barmi gjaldþrots. Það er mikil skítalykt af þessu máli rétt eins og þegar Ríkið var alltaf að hlaupa til og bjarga Flugleiðum á sínum tíma með alskonar bjargráðum.

Ég vil þess stjórn burt, vil að Samfylkingin þrukkist út því hún hefur ekki gert annað en fægja stóla í þingsölum til þessa. Við þurfum fólk sem gerir hlutina og um leið og ég segi það getur Geir H áttað sig á því að þetta er örugglega ekki ein af þeim leiðum sem menn hafa verið að tala um til að koma fjármálunum í lag að koma inn í eitthvað fyrirtæki bara til að hygla vinum og vandamönnum sem ekki stóðu sig í stykkinu. 

Það þarf líka að skoða alla þessa kaupréttarsamninga sem gerðir hafa verið hjá fyrirtækjum og opinberum aðilum og rifta þeim öllum og þetta pakk borga til baka það sem það hefur verið að stela frá almenningi þessa lands.

Bestu kveðjur meðan reiðin er í lágmarki.

Baldvin Baldvinsson

[haha (IP-tala skráð) 29.9.2008 kl. 10:50]

Ætti ekki ákæra einhverja sem einkavæddu allt, og gáfu sínum gæðingum veiðileyfi á íslensku þjóðina, fyrir LANDRÁÐ?????????

[Gísli Baldvinsson (IP-tala skráð) 29.9.2008 kl. 10:53]

Þetta er svo sem ekkert nýtt í þessari sögu. Það sem er nýtt að kaupandinn er reiði maðurinn á Svörtuloftum.

[stebbi (IP-tala skráð) 29.9.2008 kl. 20:55]

Er ég virkilega sá eini sem held að Dabbi hafi glott út í annað þegar Glitnis menn komu í Seðlabankann að biðja um lán.Það hlýtur að hafa verið erfitt fyrir Jón Ásgeir að stíga þessi skref og svarið valla komið á óvart því að úrilli maðurinn gleymir engum sem hann telur að hafi gert eitthvað á sinn hlut.(Sá hlær best sem síðast hlær)