Geir sækir skoðun sína undir Svörtuloft.

Seðlabankastjóri er í drottningarviðtali á Stöð 2 í dag. Sýnt var brot úr því viðtali í fréttatímanum áðan. Í því má sjá og heyra að þessi fyrrum formaður Sjálfstæðisflokksins hefur engu gleymt og ekkert lært. Hann er við sama heygarðshornið og síðustu áratugi.

Hann formælti öllum þeim sem hafa vantrú á krónunni og talað niður til þeirra af mestu vanlætingu og kallaði þá lýðskrumara. Sorglegt dæmi um staðnaðann og þröngsýnan fyrrum stjórnmálamann.

Hans skoðun ætti ekki að skipta máli en sorgleg staðreynd málsins er að þetta endurspeglar vanda Geirs H Haarde. Þarna sækir hann bergmálið um frábæran gjaldmiðil og styrka krónu þó flestir sjái annað. Maður veltir því fyrir sér í fúlustu alvöru hvort það er ekki Davíð Oddsson sem er hinn raunverulegi stjórnandi efnhagsumræðu forsætisráðherra sem sannarlega er stundum eins og út úr kú miðað við ástand og horfur.

Hvet menn til að fygjast með Íslandi í dag og hlusta á niðurrifstón og barlóm fyrrum stjórnmálamanns sem veit ekki sinn vitjunartíma.

Staða krónunnar tímabundin

Athugasemdir

[Óskar Þorkelsson, 18.9.2008 kl. 19:03]

Lehmann banki er að fara á hausinn.. en enginn kennir dollaranum um þar.. eins og spekingarnir hefðu gert hér á landi ; Segir DÓ í viðtalinu.. ekki endilega orðrétt en þetta sagði hann.

DO er svo firrtur að hann skilur ekki að Bandaríkjamenn hafa gjaldmiðil sem miðast við þeirra þarfir og heimsmarkað.. við erum með gjaldmiðill sem samsvarar Bergen í Noregi og með enginn ítök neinstaðar og er hvergi á byggðu bóli tekinn gildur sem gjaldmiðill.. 

[Steinar (IP-tala skráð) 18.9.2008 kl. 20:11]

Þú ert virkilega firrtur í kunnáttu á hagfræði. Mæli með að þú kaupir þér bók ;)

[Fannar frá Rifi, 18.9.2008 kl. 21:37]

"DO er svo firrtur að hann skilur ekki að Bandaríkjamenn hafa gjaldmiðil sem miðast við þeirra þarfir og heimsmarkað"

Óskar. erut að grínast? og hvernig er Krónan ekki að sveiflast fyrir þarfi Íslendinga? 

Eins og í USA fellur gjaldmiðillinn gagnvart öðrum. eins og hér þá eykur þetta útflutningshagnað. eins og hér dregur þetta úr innflutningi. eins og hér þá leiðir þetta til minni einkaneyslu. 

Óskar þú vilt kannski halda krónunni í 90 stigum og drepa allan útflutningsiðnað á Íslandi? 

[Fannar frá Rifi, 18.9.2008 kl. 21:38]

Menn hafa skrifað heilu meistararitgerðinar og bækurnar ef ekki bókafjöllinn um það hvernig hagkerfi eigi að virka. síðan kemur á daginn að það virkar bara alsekki eins og kenninginn segir til um.

[Steinar (IP-tala skráð) 18.9.2008 kl. 21:47]

Rétt, hinsvegar þá hafa menn verið að finna upp undarlegar leiðir til þess að græða. Svo sem með skortsölu og afleiðum sem má segja að búi til tækifæri sem annars væru ekki til. Deilt hefur verið um þetta en þetta er talið hugsanlega skýringin á því að kenningin hefur átt undir högg að sækja.

Menn hafa verið að skortselja mikið upp á síðkastið, eftir að hömlum á því var lyft fyrir...um ári síðan. Svipað leyti og þessi vandamál byrjuðu.

Menn hafa einnig verið að búa til gríðarlegar bólur (bensínverð, .com bólan, etc) sem hafa svo sprungið með tilheyrandi látum og gjaldþrotum.

Skortsala var núna bönnuð í dag eða í gær í Bretlandi af fjármálaeftirlitinu þar. Í svona bólum þá eru verð sprengd gríðarlega upp eða niður, framhjá því sem þau ættu í rauninni að vera.

[Fannar frá Rifi, 18.9.2008 kl. 22:42]

mikið panic hefur gripið landan. menn halda að ragnarök séu framundan. "Sigga við getum ekki keypt nýja 78 tomma plasmaskjáinn og hent gamla 58 tomma á hauganna. himin og jörð eru að farast".

er ekki verið að æsa sig of mikið. er 10% atvinnuleysi? er hálf þjóðin undir hungurmörkum? menn ættu kannski að staldra aðeins við og draga andan djúpt og telja upp á tíu.

að halda að við getum leyst vandamálið með því að smella fingri bara með því að segja að við munum sækja um í ESB og evruna er naívismi. þeir sem halda því fram vita annað hvort ekki betur eða eru hreinlega að ljúga. 

ef við byrjuðum á þessu ferli á morgun þá yrðum við í besta falli komin með evru eftir 5 til 7 ár. 

leysir það vanda heimilana í dag? menn ættu kannski að fara að taka höndum saman og vinna með það sem þeir hafa. ekki tala allt niður og vera þunglyndir.

[Steinar (IP-tala skráð) 18.9.2008 kl. 23:47]

Vel að orði komist