Gamaldags hugmyndafræði.

Hjallastefnan hefur verið við líði í nokkur ár. Hún byggir á sem meginþema að halda kynjum meira og minna aðskildum og vinna örðu vísi með börnin eftir kynferði.

Þetta er í sjálfu sér ekkert nýtt og er eiginlega afturhvarf til gömlu drengja og stúlknaskólanna nema þarna fá kynin þó að innritast í skólann þó svo þau séu að mestu aðskilin.

Pólitíkusum finnst þetta svolítið fínt og Margréti Pálu hefur tekist að markaðssetja þetta með þeim hætti að fáir þora að hafa á þessu neikvæða skoðun... í það minnsta ekki segja frá því.

Hér í bæ er leikskóli Hjallastefnunnar og vafalaust er unnið þar gott starf og starfsmenn leggja sig fram. Ég get aftur á móti ekki með nokkru móti sé nokkuð jákvætt við að drengjum og stúlkum sé haldið að mestu aðskildum og meira að segja þurfa að ganga um mismundandi gáttir þar sem hurðir eru merktar drengir og stúlkur svona eins og inn á salerni. Þetta er mín persónulega skoðun.

Mín skoðun er að þetta sé gamaldags hugmyndafræði og hef verulega stórar áhyggjur af því að þetta sé ekki góð hugmyndafræði í skólakerfi nútímans. Hvað segja sérfræðingar í mennta og uppeldissérfræðingar við þessu ?

Tími kynskiptra skóla á að vera liðinn.

Nýr Hjallastefnuskóli í Reykjavík

Athugasemdir

[Sigurlaug Gísladóttir (IP-tala skráð) 11.9.2008 kl. 08:43]

Er mjög hrifin að þessu, og veit að margir kennarar eru það líka, held að það sé alveg búið að sýna sig að börnunum líður betur ef marka má þá foreldra sem ég hef talað við, sem eiga börn þar sem þetta er við líði.

[Jón Ingi Cæsarsson, 11.9.2008 kl. 08:47]

Þetta er vafalaust betra meðan á því stendur á mörgu leiti en hvernig eru börnin undirbúin fyrir framhaldið því kynin eru varla aðskilin til æviloka. Börnin eru sennilega þægari og það finnst kennurum svo gott.

Það er stór gloppa í uppeldið að læra ekki að umgangast gagnstætt kyn á þessum aldri við leik og störf.

[Gísli Baldvinsson (IP-tala skráð) 11.9.2008 kl. 10:05]

Bendi á athugasemdir við pistli Kristínar Dýrfjörð. Þar kemur margt athyglisvert fram m.a. skoðanir hennar á Hjallastefnunni: http://roggur.blog.is/blog/kristindyr/entry/638509/#comments

[Valur (IP-tala skráð) 13.9.2008 kl. 11:08]

Hér skrifar greinilega bitur aftuhaldskommatitta sál.

[Anna Dóra Gunnarsdóttir, 14.9.2008 kl. 01:19]

Eitt og annað getur sjálfsagt verið gott í þessari Pálísku stefnu, en mér hugnast ekki sortéringar á fólki.  Þó getur komið sér vel að aðskilja kynin stund og stund.  Það gerum við á mínum leikskóla í 30 mínútur, stundum 2X30 mínútur í viku þegar færi gefst.  Þá fá nokkrir krakkar að vera afsíðis með kennara sínum til að taka í spil eða eitthvað annað.  Þetta er vinatengslahópur og hefur þannig sé ekki neina sérstaka merkingu að einungis veljast í hann strákar.

Það hlýtur að vera algjör einstefna í leikjum barna að mega ekki blanda geði við hitt kynið.  Það koma alltaf tímar sem strákar vilja vera saman og stelpur vilja vera saman og þá bara er það þannig.  Enda á smáfólkið að fá að ráða því innan eðlilegra marka við hverja það leikur. 

[kommi (IP-tala skráð) 18.9.2008 kl. 12:35]

Hvað á að gera? Ekki geta foreldranir agað börnin sín