Dýrasta bensínið í bænum ?

                               

Ég versla við Atlantsolíu. Það er þægilegt og þeir eru gjarnan lægstir eða næst lægstir. Í dag brá þó svo við að þeir voru lang dýrastir. Eins og sjá má á skiltunum hér að ofan munar bara talsvert miklu og mér eiginlega sárnaði við fyrirtækið mitt.

En fyrir einhverja tilviljun voru viðskiptavinir staddir við tank Atlantsolíu og sögðust ekki mega vera að því að snúa við og fara annað. Þegar þeir svo fóru að dæla kom í ljós að bensínið þarna kostaði 155 krónur ef notaður var lykill. Eitthvað hafa menn gleymt sér í æsingnum.

En hræddur er ég um að viðskiptin hafi verið lítil í dag því eins og þetta leit út á skiltinu sem sjá má, lang dýrasta bensínið í bænum og maður keyrir ekki inn á svoleiðis stöð.....

Það væri ráð að laga auglýsingaskiltið... annars verður líklega lítið um sölu á þessum stað.