Pistlahöfundur ver borgarstjóra.

Í 24 stundum í dag skrifar þekktur pistlahöfundur á Akureyri grein til varnar Ólafi F borgarstjóra í Reykjavík. Honun finnst að borgarstjóri sé lagður í einelti að ástæðulausu og ásakar Kastljós sjónvarps sérstaklega fyrir vonda framkomu.

Það gleður mig þegar "Akureyringar" taka upp hanskan og leggjast í vörn fyrir lítilmagnan og krefjast réttlætis. Pistlahöfundur þessi hefur verið þekktur fyrir önnur efnistök í þessum málum og hafa stjórnmálamenn á Akureyri .... sérstaklega utanbæjarmenn í þeirra hópi fengið það óþvegið og ekki endilega rökstutt í botn.

Bæjarstjórinn okkar hefur td fengið nokkrar gusurnar á sig og hefur verið lagt það til lasts að vera utanbæjarmaður sem er slæmt að mati umrædds pistlahöfundar.

En af hverju þessi nýja áhersla og vörn fyrir borgarstjórann í Reykjavík sem er borgarstjóri í bæ langt í burtu og hefur svolítið búið til vandræði sín sjálfur. ?

Það skyldi þó ekki vera að borgarstjórinn umræddi á rætur að rekja til Akureyrar en það hefur fram að þessu verið lykilatriði i ágætum fólks í augum þessa ágæta pistlahöfundar.

En þetta er auðvitað bara della í mér svona meðan ég drep tímann fram að ferð inn að Þeistareykjum á eftir með Láru varaþingmanni og myndavélinni hennar.

Athugasemdir

[Páll Jóhannesson, 6.8.2008 kl. 16:22]

Það fyrsta sem mér datt í hug við lestur pistils Hjörleifs var ,,gerir maðurinn sér enga grein fyrir því að Ólafur er utanbæjarmaður í Reykjavík?" Það ætti að vera næg ástæða fyrir Hjörleif að rakka manninn niður. Hvað getur hann vitað um borgarpólitíkina sjálfur utanbæjarmaður. Pistill Hjörleifs er skot í fótinn eða eins og að stunda grjótkast úr glerhúsi. Æi hvað Hjörleifi eru mislagðar hendurnar í þessum málum.