Dauðdómur Sjálfstæðisflokksins í Reykjavík

Sjálfstæðisflokkurinn í Reykjavík er í gíslingu manns sem lifir í ímyndunar og fortíðarheimi. Hann telur það kost sinn að standa við allt sem honum finnst og honum finnst í góðu lagi að valta yfir skoðanir annarra því hans skoðun er sú eina rétta. Maðurinn er fullkomlega veruleikafyrtur og ég vorkenni Hönnu Birnu að mæta í fjölmiðla og mæla gjörðum hans bót.

Í gær var Hanna Birna hrikalega pirruð þegar fjölmiðlar gengu að henni með gjörðir Ólafs og aðferðir hans í skipulagsmálum. Okkur kemur ekki við hvað hann gerir segir urgandi pirraður oddvitinn. Hanna Birna.... fólk er ekki svona vitlaust þó svo þú haldir það. Auðvitað kemur Sjálfstæðisflokknum við hvað samstarfsflokkurinn segir og presenterar. Ætla Sjálfstæðismenn sem sagt að selja Ólafi F - úaspítukalli sjálfdæmi í framtíðarskipulagi Reykjavíkur. Næst vill hann sjálfsagt að húsin úr Árbæjarsafni verði flutt í miðbæinn og raðað þar sem pláss finnst. Hanna Birna.... þessi maður er þarna á ykkar ábyrgð og þú getur ekki afneitað honum eins og þú varst að reyna í gær.

Með sama áframhaldi dregur Ólafur F - úaspítukall Sjálfstæðisflokkinn með sér niður úr öllu valdi og ég verð að segja það.... nýr oddviti Hanna Birna er viljalaust verkfæri í höndum Ólafs F sem er kominn út í tóma vitleysu sem borgarstjóri. Hann er búinn að finna sér Já - mann í skipulagsmálin og ég reikna með að formaður skipulagsráðs og Gísli Marteinn séu sömu já - mennirnir og lopahúfukarlinn sem settur var inn fyrir Ólöfu hina brottreknu. Hanna Birna er þessa dagana að kvitta undir dánarvottorð borgarstjórnarflokks Sjálfstæðismanna með dugleysi og undirlægjuhætti við hálfdularfullann borgartjórann.

„Skýrir hvers vegna síðasti meirihluti sprakk"

Athugasemdir

[Páll Jóhannesson, 30.7.2008 kl. 12:52]

Háttarlag Sjálfstæðismanna í borgarstjórn Reykjavíkur segir meira um hversu lágt menn geta lagst í von um smá völd í stuttan tíma - komi þetta niður á fylgi hjá Sjálfstæðisflokknum þegar í næstu kosningar kemur þá verður ástæða til að fagna. Í raun finnst mér allt þetta fólk jafn aumkunarvert - Ólafur ,,eini" Hanna Birna, Gísli og allur þessi pakki er skýrt dæmi um fólk sem ekki á heima í pólitík.

[Óðinn Þórisson, 30.7.2008 kl. 19:33]

Þó svo að Hanna Birna myndi ljá máli á breytingum í borgarstjórn hafa óskar/svandís/dagur lokað sig inní í klefa saman þannig að það er pattstaða og sólkóngurinn mun ríkja hér áfram.

[Jón Ingi Cæsarsson, 30.7.2008 kl. 19:36]

Ef einhverjir hafa lokast inni þá eru það Sjálfstæðismenn sem eru í gíslingu rugludalls....góða skemmtun

[Stefán Friðrik Stefánsson, 30.7.2008 kl. 19:36]

Síðasti meirihluti var nú myndaður með þessum manni líka. Held að það sé afleitt að einn maður í svona stöðu geti haft allt í gíslingu, alveg sama hvort það er þessi meirihluti eða síðasti, þar sem Dagur varð borgarstjóri á oddastuðningi þessa manns og hópurinn sem fordæmir hann nú kaus hann sem forseta borgarstjórnar.

[Jón Ingi Cæsarsson, 30.7.2008 kl. 20:24]

Nei Stebbi.... síðasti meirihluti var myndaður með Margréti Sverrisdóttur með meintum stuðningi Ólafs F. Ég held að það hafi aldrei verið meining hans að vinna með Degi og félögum og sleit um leið og hann var búinn að kaupa Sjálfstæðisflokkinn og upphefja sjálfan sig. Sástu manninn í Kastljósi áðan.... merkur og traustvekjandi fulltrúi núverandi meirihluta.

[Þórbergur Torfason, 30.7.2008 kl. 21:06]

Ég held maður verði að kveikja á imbanum á eftir og horfa á borgarstjóra í hlandspreng í beinni.

[Valdi Páls (IP-tala skráð) 30.7.2008 kl. 22:57]

Rosalega hef ég gaman að lesa þessi skrif þín.  En er þessu ekki eins farið hér á Akureyri ? Nema bara að þinn flokkur er undir hælnum á Sjálfstæðismönnum og þið neyðist til að samþykkja ýmislegt mis gáfulegt í t.d. skipulagsmálum ??  Menn ættu kannski aðeins að taka til í sínum flokki áður en aðrir flokkar eru gagnrýndir. 

Kv. Valdi Páls óflokksbundinn þorpari

[Reynir Stefánsson (IP-tala skráð) 30.7.2008 kl. 23:44]

Samfylkingin er undir hælnum á Sjöllunum hér á Akureyri segir óflokksbundni þorparinn Valdi Páls.  Komdu með dæmi um það og þá líka hvað Samfó hefur þurft að samþykkja misgáfulegt í skipulagsmálum?.  Veit nú ekki hver er undir hælnum á hverjum.

Kv. Reynir Stef flokksbundinn þorpari. 

[Stefán Friðrik Stefánsson, 30.7.2008 kl. 23:58]

Ha Jón Ingi? Ólafur F. var aðalmaðurinn og var af sumum, t.d. Degi B. nefndur guðfaðir þess meirihluta. Síðar kaus fólkið í þáverandi meirihluta hann sem forseta borgarstjórnar. Það getur enginn þvegið hendur sínar af þessum manni, ekki einu sinni minnihlutinn.

[Jón Ingi Cæsarsson, 31.7.2008 kl. 11:03]

Valdimar... Hér vinna menn samkvæmt gildandi aðalskipulagi. sem við Akureyringar eigum saman og samþykkt var 2006. Hér er enginn undir hælnum á neinum og unnið með heildarhagsmuni bæjarins í huga.... en ekki samkvæmt persónulegum hagsmunum eða löngunum einstakra manna hvort þeir eru í pólitík eða ekki . Bæjarfulltrúar og borgarfulltrúar eiga að vinna samkvæmt bestu samvisku, samkvæmt reglum og stefnumótun,  með heildarhagsmuni og skynsemi að leiðarljósi

Stebbi.... það er rétt hjá þér... mistök bæði meiri og minnihluta er að treysta þessum manni.

[Jón Ingi Cæsarsson, 31.7.2008 kl. 11:04]

Anna.... sá strunsaði út.... greinilega fjúkandi reiður.