Geðvonska stjórnarandstöðunnar.

Merkilegt með stjórnarandstöðuna. Alveg sama hvað er gert...hvað er ekki gert og hvernig eitthvað er gert....Steingrímur og Guðni fá hástemmd geðvonskuköst og finna öllu allt til foráttu.

Mikið voðalega finnst mér þessir menn hundleiðinlegir...endalausar úrtölur og geðvonska og sjá ekkert gott út úr nokkrum hlut.... óskaplega er leiðinlegt hjá þeim lífið.

Guðni gerði lítið úr skoðunum meirihluta þjóðarinnar varðandi ESB umræðuna. Mér finnst alvarlegt mál þegar stjórnmálaleiðtogar gera lítið úr kjósendum sínum og annarra. Guðni.... meirihluti þjóðarinnar vill ekki ræða ESB aðild vegna þessa að ríkisstjórnin er léleg heldur vegna þess að það er orðið leitt á því umhverfi og óöryggi sem stjórnmálamenn eins og Guðni og Steingrímur hafa búið almenningi á Íslandi með þröngsýni sinni og afturhaldi.

Nú gerir Steingrímur lítið úr Tryggva Þór Herbertssyni sem hefur verið ráðin efnahagsráðgjafi. Ummælin eru formanni VG til skammar. Þessir stjórnarandstöðuleiðtogar ættu að líta í eigin barm.

" Steingrímur sagðist ekki hafa neitt gott um Tryggva að segja, það litla sem hann þekkti hann."

Hvers vegna er Framsóknarflokkurinn að mælast með 9% fylgi. Guðni ætti að velta því fyrir sér. Steingrímur ætti líka að velta þvi fyrir sér af hverju hann kemst aldrei í ríkisstjórn. Kannski er það vegna þess að kjósendur treysta þeim ekki í verkefnið.... og af því þeir eru drepleiðinlegir

Segir ráðningu efnahagsráðgjafa sýna vandræðagang

Athugasemdir

[Sigurður Sverrisson (IP-tala skráð) 19.7.2008 kl. 20:20]

" Steingrímur sagðist ekki hafa neitt gott um Tryggva að segja, það litla sem hann þekkti hann."

Satt að segja finnst mér líklegra að blaðamaður mbl.is hafi klúðrað textanum, en að rétt sé haft eftir SJS.

Stafsetningarvillur, málfarsvillur og jafnvel staðreyndavillur eru því miður daglegt brauð á þeim bænum.

[Ingólfur Ásgeir Jóhannesson, 19.7.2008 kl. 20:27]

Jón Ingi, var Steingrímur ekki í ríkisstjórn hér á 9. áratugnum og fram á þann 10.? Það minnir mig.

En þú? Ert þú ánægður með Tryggva? Telur þú að hans ráð muni verða góð?

[Jón Ingi Cæsarsson, 19.7.2008 kl. 20:36]

Ingólfur...viltu nokkuð vera að rifja það upp ?? Hver man ekki flugvöllinn á Þórshöfn ...o.s.frv.

Ingólfur...ég veit ekkert um Tryggva og þess vegna sleppi ég bara að hallmæla eða hrósa honum þó svo aðrir telji sig þar færa um.

[Ingólfur Ásgeir Jóhannesson, 19.7.2008 kl. 20:47]

Ég veit reyndar ekkert um flugvöllinn á Þórshöfn en var reyndar búsettur erlendis þegar ríkisstjórnin sem Steingrímur J. sat í var við völd. Var eða er eitthvað athugavert við hann?

Ef þú veldir fólk í ríkisstjórn út frá skemmtilegheitum hefði náttúrlega Ómar Ragnarsson orðið forsætisráðherra  Eða hvað?

[Jón Ingi Cæsarsson, 19.7.2008 kl. 20:56]

Þú bara kynnir þér þetta.... þetta var altalað á þeim tíma... gott að eiga góða að og nærri.

Engin skylda að vera skemmtilegur en það er betra að vera ekki hundleiðinlegur og fúll alla daga

[Valsól (IP-tala skráð) 19.7.2008 kl. 21:17]

Mér finnst að Geir hefði átt að ráða Þorvald Gylfason og eða Guðmund Ólafsson hagfræðiprófessor. Þessir menn vöruðu báðir við því að þetta ástand myndi bresta á, og Þorvaldur mælti með því fyrir nokkrum árum að góðærið yrði notað í það að styrkja gjaldeirissjóð landsmanna. Það var ekki gert. Svo ræður Geir Tryggva Þór Herbertson sem nánast má segja að hafi verið höfundurinn að stefnunni sem hefur verið rekin í fjármálaheimi Íslendinga undanfarin ár. Nei Geir vill frekar ráða einhvern frjálshyggjugaur núna þegar ljóst er orðið að frjálshyggjan hefur tekið kollsteypu í heiminum í dag og er ekki að virka, frekar en að ráða menn sem vöruðu við að í óefni stefndi. Það getur vel verið að frelsi í fjármálum sé gott og frjálst flæði fjármagns milli landa, en að reka svona frjálshyggustefnu eins og hefur verið rekin hér á landi er algjörlega glórulaust, enda hefur það komið á dagin að þessi frjálshyggja hefur algjörlega misheppnast. Samt ræður Geir frjálshyggjupésann Tryggva Þór.

[Lilja Guðrún Þorvaldsdóttir, 19.7.2008 kl. 22:24]

Ég verð nú að segja eins og Valsól að það hefði óneitanlega verið frábært ef að Geir hefði ráðið snillinginn Þorvald Gylfason sér til halds og trausts í Efnahagsstjórnun landsins. - Og alveg get ég séð það fyrir mér að þeir  Geir og Þorvaldur mundu vinna vel saman.  -

Um Tryggva Þór veit ég alltof lítið til að geta nokkuð um hann sagt. - En ég óska honum alls hins besta. -

[Ingólfur Ásgeir Jóhannesson, 21.7.2008 kl. 12:12]

Sæll Jón Ingi, þú varst nú fullfljótur á þér að skjóta á formann VG í þetta skiptið, því að komið er í ljós að Sigurður Sverrisson í fyrstu athugasemdinni hafði rétt fyrir sér (sjá meðal annars blogg Friðriks Þórs).

[Jón Ingi Cæsarsson, 21.7.2008 kl. 17:39]

Ekki málið....trúum við ekki Mogga og fréttamönnum... svona var þetta bæði í prentmiðli og netútgáfu þannig að ég var ekkert sérstaklega fljótur að skjóta....... en gott að Steingrími var ekki alls varnað...

[Ingólfur Ásgeir Jóhannesson, 22.7.2008 kl. 12:38]

Kveðjur úr Drekagilinu