Kemur ekki á óvart.

Það virðist sem þingmenn VG, Framsóknarog Frjálslyndra eru komnir úr takt við kjósendur sína. Svo segir í fréttinni sem hér er. 

"Fleiri stuðningsmenn Framsóknarflokksins, Frjálslynda flokksins, Vinstri grænna og Samfylkingar eru hlynntir ESB aðild en eru henni andvígir.

Fram kom í könnuninni að 45 til 50% stuðningsmanna Framsóknarflokksins, Sjálfstæðisflokksins, Frjálslynda flokksins og VG eru hlynnt því að hafnar verði aðildarviðræður en um 85% stuðningsmanna Samfylkingarinnar eru á þeirri skoðun. Þá eru fleiri stuðningsmenn allra flokka nema Sjálfstæðisflokksins hlynntir aðild að Evrópusambandinu en eru andvígir henni. Loks eru fleiri stuðningsmenn allra flokka hlynntir evru en eru andvígir. "

Ef til vill fara formenn flokkanna sem virðast úr takt að hugsa sinn gang. Kjósendur þeirra virðast vera að fjarlægjast þá í hugsun enda eru þeir staðnaðir í mislukkaðri þjóðernishyggjuhugsun og fortíðarvanda.

Sjálfstæðisþingmenn þurfa síður að hafa áhyggjur því kjósendur Sjálfstæðisflokksins virðast síst hafa skilning á nauðsyn þess að tengjast umheimnum á jafnréttisgrundvelli.

Samfylkingin er greinilega sá flokkur sem lengst er komin í skynsamlegri hugsun í alþjóðamálum...það á bæði við um þingmenn og kjósendur flokksins.

Meirihluti fylgjandi ESB-aðild

Athugasemdir

[Gunnlaugur Ingvarsson (IP-tala skráð) 19.7.2008 kl. 14:04]

"Kemur ekki á óvart" segirðu. Nei ég er svo sem sjálfur ekkert hissa á þessari niðurstöðu í þessari skoðanakönnun NÚNA, eins og efnahagsástandið er erfitt og eins og moldviðrið og áróðurinn er búinn að vera linnulaus og einhliða hjá flestum fjölmiðlum, flestu háskólaliðinu og allskyns hagsmunasamtökum eins og t.a.m. Samtökum atvinnulífsins. Reyndar finnst mér þessi skoðanakönnun ekki mjög mikið til að byggja á. Spurningarnar eru mjög leiðandi og svo er mjög stór hópur sem ekki hefur skoðun eða neitar að svara, þannig að við skulum spyrja að leikslokum, þar held ég að raunveruleg niðurstaða í alvöru kosningum yrði allt önnur.  Í því sambandi held ég að okkur væri hollt að líta til frænda okkar og vina í Noregi. Svipað var uppá teningnum þar, þegar "allir" hrópuðu á aðild að ESB. "Allir" þá meina ég forystumenn allra helstu stjórnmálaflokkana, fjölmiðlarnir 95%, allt háskólasamfélagið, atvinnurekendasamböndin og verkalýðshreifingin eins og hún lagði sig. Allir sungu sama hjáróma kórinn um sæluna í ESB. Allar skoðanakannanir sýndu líka að það var góður meirihluti fyrir aðild Noregs að Bandalaginu. Þannig að það var farið í aðildarviðræður og síðan í kynningu og umræður í þjóðfélaginu og hvað skeði, eftir því sem málin lágu ljósar fyrir og voru betur kynnt almenningi því meira fjölgaði í þeim hópnum sem var andvígur ESB aðild. Svo fór að lokum að aðild að ESB var hafnað af Norsku þjóðinni á afgerandi hátt í þjóðaratkvæðagreiðslu. Og ekki bara einu sinni, heldur t v i s v a r þurfti fólkið að fella þetta ! Það dugði nú hvorki meira né minna til að "elítan" áttaði sig á því að FÓLKIÐ vildi alls ekki aðild að þessu Bandalagi ! Nú muldra ESB sinnar í Noregi bara í barminn og sumir hörðustu ESB sinnarnir hafa nú verið staðnir að því að tauta af og til að sennilega hefði þetta bara verið býsna góð niðurstaða svona eftir á séð. 

Svipað mun verða uppi á teningnum hér. Þó svo allur þessi kór komi til með að syngja einu ESB nefi sem sjálfsagt verður á endanum og flestir stjórnmálamennirnir og allskonar ályktanir landsfunda og samtaka eigi eftir að dynja á okkur þá treysti ég Íslensku þjóðinni mjög vel til þess, þegar þar að kemur að kolfella aðild Íslands að ESB. Eflaust þurfum við líka að gera það tvisvar. Af því að "elítan" hér frekar en í Noregi mun ekki skilja afhverju þjóðin þeirra gerir þeim þetta. En það er einmitt vegna þess að almenningur á Íslandi og reyndar í Noregi líka er ágætlega vel gefinn og sér það mjög greinilega að Keisarinn er algerlega klæðalaus.

Lifi frjálst og fullvalda Ísland ! Íslands þúsund ár !  

[Björn Heiðdal, 19.7.2008 kl. 19:48]

ESB er gamla Sovét í nýjum og flottari búningi.  Þetta er algjörlega ólýðræðislegt skrifstofubákn sem lifir sjálfstæðu lífi.  Þegar Lissbon samningurinn verður samþykktur mun ekki einu sinni þurfa að spyrja aðildarþjóðirnar um mörg mikilvæg málefni.