Segja upp útvarpsstjóra en halda landsbyggðarfréttamönnum.

Atlaga útvarpsstjóra að landsbyggðarstöðvunum er til lítils sóma. Hann leggur til að helmingi fréttamanna í Ísafirði verði sagt upp...þriðjungi fréttamanna á Egilsstöðum og síðan verður ekki ráðið í stöðu fréttamanns á Akureyri sem er 20 eða 25% fækkun fréttamanna hér í bæ.

Það er mikið tjón að fara þessa leið og gengur gegn yfirlýsingum stjórnvalda um fjölgun starfa á vegum ríkisins á landsbyggðinni.

Þessir fréttamenn sem nú hverfa frá störfum á landsbyggðinni ættu allir að halda störfum sínum því landsbyggðarvinkillinn á RUV sker þá stöð frá öðrum hvað varðar jákvæða ímynd.

Ég legg til að menntamálaráðherra geri starfslokasamning við útvarpsstjóra... og þar með sparast mikið fé sem nýta má til starfsmannastöðuleika á landsbyggðinni. Deildarstjórar við Efstaleiti geta auðveldlega axlað þá byrði sem fráhvarf útvarpsstjóra og niðurlagning þeirrar stöðu skilar. Það mun skila  afgangi því kostnaður RUV af þessum pólitískt ráðna embættismanni er meiri en nemur kostnaði við þrjá fréttamenn úti á landi.

Starfsmannafélag RÚV ályktar um uppsagnir

Athugasemdir

[Oddur Helgi Halldórsson, 2.7.2008 kl. 18:44]

Alveg gjörsamlega sammála þér. Því miður er þetta bara einn angi af gengdarlausum yfirgangi sjálfstæðismanna á sameiginlegum eignum. Þarna virðist enn eitt dæmið um allt að því sjalftöku þessa flokks til gæðinga sinna. Ætli þetta sé ekki bara byrjunin.

[Jón Halldór Guðmundsson, 2.7.2008 kl. 18:58]

Tillaga sem þarf að skoða. Allavega afar slæm sparnaðarleið að taka út "þreifianga" fréttadeildarinnar.  Eins og að klippa veiðihárin af kisu?

[Páll Jóhannesson, 2.7.2008 kl. 21:11]

Ég verð að játa það að þetta kemur bara alls ekki á óvart. Og gæti trúað því að Oddur Helgi hafi hitt naglann á höfuðið, þetta er bara byrjunin, því miður.

[Lára Stefánsdóttir, 2.7.2008 kl. 22:30]

Það þarf þekkingu og hæfileika til að stýra fyrirtæki sem er ekki allt á þúfunni, því miður eru fáir gæddir þeim eiginleikum. Í ljósi þess að margir fréttamanna vinna fréttir í gegnum síma væri ráð að láta útvarpsstjóra vita af því að það er símasamband við landsbyggðina.