Ekki eins einfalt og sumir vilja vera láta.

Svona fór um sjóferð þá. Þetta staðfestir það sem sérfræðingar í þessum málum hafa sagt. Þetta er flókin og erfið aðgerð. Ísbirnir eru skaðræðisskeppnur, fljótir í förum og gríðarlega sterkir. Þá nálgast enginn nema setja sjálfan sig í stórkostlega lífshættu.

Daninn hefur örugglega gert sitt besta en sennilega var þetta aðeins veik von að þetta tækist. Bæði er stutt til sjávar, maðurinn ekki vanur að fást við ísbirni og sagði sjálfur í viðtali að hann væri hér af því hann er vanur að koma að flutningi stórra dýra í búrum.

Ef til vill er lítil von til að okkur takist að fanga ísbirni hér á landi...koma þeim í búr og síðan heilu á höldnu á milli landa. Menn verða að meta hvort og hversu miklu fé má eyða í svona aðgerðir í framtíðinni....

Þessi kostar ekki undir 10 millum og mistókst...því miður.

Ísbjörninn að Hrauni dauður

Athugasemdir

[Ásgrímur Hartmannsson, 17.6.2008 kl. 18:53]

Þessir sérfræðingar eru ekki þeir sérfræðingar sem þeir vilja vera láta.  Þessi danski pönkari hefir til dæmis aldrei svæft ísbjörn, og veit ekkert um áhrif svefnlyfja á hvorki eitt eða neitt.

[Ólafur Þórðarson, 17.6.2008 kl. 19:42]

Það þarf bara að þjálfa nokkra góðar íslenskar skyttur í þessu máli, mál til komið  að skipuleggja þetta betur. Ef Danskur stóð sig ekki, þá hvers konar kall er þetta? Svo er nú hægt að reyna aftur. Ísbjörn kemur jú af sundinu fyrr eða síðar g hægt að fylgja eftir í bát.

[Jón Halldór Guðmundsson, 17.6.2008 kl. 20:49]

Ég held að það séu menn til hér á landi sem eru mun betri skyttur en nokkur dani.  Bara að lána þeim réttu græjurnar.

[Arnþór Guðjón Benediktsson, 17.6.2008 kl. 21:37]

Eða bara skjóta þessi dýr ef það er mat manna að þau skapi hættu og eyða peningunum í eitthvað annað. Ef ísbirnir deyja út verður það líklegast ekki  íslendingum að kenna, nema náttúrulega ef þetta voru þeir 2 seinustu.

[óli (IP-tala skráð) 17.6.2008 kl. 23:45]

cal 30 06 og málið er búið. Enn sennilega þarf eitthver að verða drepin af birni áður enn jakkalakkarnir og kaffihúsarotturnar fatta það!