Alþingismaður í djúpum skít ?

Merkilegt með Árna Johnsen alþingismann. Hann situr á þingi, gegnir engum trúnaðarstöðum fyrir flokkinn og virðist einangraður...ekki treyst fyrir nokkurri nefnd eða starfi á vegum Sjálfstæðisflokksins. Hann er samt eftir sem áður sjálfskipaður talsmaður Vestmannaeyja og fer af því tvennum sögum hversu vel það gagnast Eyjum og eyjamönnum. 

Nú virðist sem þessi ágæti hnefaleikari og hommahatari kominn í vandræði vegna lítt gáfulegrar framkomu. Aðstoðarvegamálastjóri ætlar að kæra þingmanninn fyrir ærumeiðandi ummæli sem birtust í Mogganum í dag.

Þessi yfirlýsing birtist á visir.is en sér ekki stað á mbl.is og ég reikna ekkert endilega með að hún birtist þar....læt hana fljóta hér með. 

„Ég ætti í sjálfu sér að láta skrif Árna Johnsen um mig í Morgunblaðinu í dag, 26. apríl, mér í léttu rúmi liggja. Það er hins vegar ekki víst að allir aðrir geri það. Í grein þessari er vegið að mér sem opinberum starfsmanni og lögfræðingi. Því hef ég ákveðið að kæra Árna Johnsen til lögreglu fyrir brot á 234. og 235. gr. almennra hegningarlaga, sbr. 242. gr. sömu laga. Þar kemur fram, að hafi ærumeiðandi móðgun eða aðdróttun verið beint að manni sem er opinber starfsmaður og móðgunin eða aðdróttunin varðar að einhverju leyti starf hans, þá skal slíkt brot sæta opinberri ákæru eftir kröfu hans.

Það er ekki óvenjulegt, að opinberir starfsmenn þurfi að sitja undir rógi og dylgjum, en það er fátítt, að slíkt komi frá alþingismönnum. Það er Sjálfstæðisflokknum og íslensku þjóðinni til skammar, að þessi maður skuli geta skrifað undir greinar í fjölmiðlum sem alþingismaður."

Undir yfirlýsinguna ritar Gunnar Gunnarsson, aðstoðarvegamálastjóri.

Athugasemdir

[Víðir Benediktsson, 26.4.2008 kl. 16:46]

Mér finnst hann nú fullhörundsár þessi aðstoðarvegamálastjóri. Allir embættismenn sem ráðnir eru pólitíkst verða að búa við þetta umhverfi, sama hvort þeir eru dómarar, Seðlabankastjórar eða aðstoðarvegamálastjórar. Það er einu sinni þannig að ráðherrar ráða til sín fólk sem þeir treysta til að fylgja sér að málum en rétt er það að Árni hefur sýnt afburða hnefaleikahæfileika í gegnum árin.

[Óskar Þorkelsson, 26.4.2008 kl. 17:10]

Árni er fyrir mér ekkert annað en persónugerfingur fyrir flokkinn sem ég kalla Sjálftektarflokk.. glæpamaður sem fékk uppreisn æru á vafasaman hátt.

[Gísli Baldvinsson (IP-tala skráð) 26.4.2008 kl. 17:18]

Árni er sveipaður þinghelgi og hafi hann sagt þetta á Alþingi þá verndar þinghelgi hann. Ekki er hægt að framfylgja kæru án sviptingar þinghelgis.

[Jón Halldór Guðmundsson, 26.4.2008 kl. 22:52]

Ég ætla ekki að mótmæla neinu sérstöku sem komið hefur hér fram.

[Gunnar Níelsson, 27.4.2008 kl. 10:19]

Já það má segja að að þeir félagar og samherjar í ríkisstjórn Íslands Árni og Össur geri sitt til þess að auka trú okkar landsmanna á stjórnmálamönnum þessa lands.

Össur bloggar um mann nokkurn með sóðalegri hætti en ég hef áður séð og kemst upp með það.  Árni er ekki virðist ekki sleppa eins vel frá sýnu "bloggi"

Gott ef fólk þarf að fara að  standa fyrir orðum  skrifuðum/eða sögðum.