Siðblindur - siðlaus - hlýðinn ?

Ég er svo aldeilis hissa. Árni dýralæknir belgir sig eins og hani á haug og rífur kjaft upp í opið geðið á þjóðinni sem á ekki til eitt einasta orð af hneykslan.

Þorsteinn Davíðsson var eins og annar frambjóðandi tveimur gæðaflokkum neðan við þá þrjá sem hæfastir voru taldir. Frambjóðandinn sem raðaðist jafngildur Þorsteini er kona og situr því fyrir embættinu samkvæmt jafnréttislögum þannig að þó svo allir hinir þrír hefðu ekki verði með hefði Þorsteinn átt að falla fyrir konu í vali ráðherra samkvæmt lögum. Hann var því sannarlega neðstur umsækenda ef alls réttlætis er gætt.

Ráðherrann veit víst best allra og það sem verra er... hann veit greinilega allt annað en allir aðrir. Nú velti ég því fyrir mér hvert þessrara atriða eru að trufla Árna Mathisen fjármálaráðherra.

Siðblinda .. vonandi ekki    Siðleysi.. svo sannarlega vonandi ekki...hlýðni.... það held ég næstum örugglega því honum var að sjálfsögðu skipað að velja Þorstein. Bíbí frændi og stóri stákurinn undir Svörtuloftum gæta sinna og þeir ætla sér að tryggja Þorsteini þægilegt vel launað jobb og þá getur dýralæknirinn sjónumhryggi bara hlýtt. Þessum mönnum þorir enginn að óhlýðnast í Sjálfstæðisflokknum..og ekki þvælist það fyrir þeim að gæta réttlætis ef á þarf að halda.

Árni segist munu skila ítarlegum rökstuðningi

Athugasemdir

[Anna Benkovic Mikaelsdóttir, 23.12.2007 kl. 15:04]

Best væri að Þorsteinn sæti kjurr og fengi tækifæri að sanna sig...en Árni valdasleikir Á AÐ FJÚKA NÚNA...MEÐ SKÖMM!

[Hallgrímur Óli Helgason, 23.12.2007 kl. 15:10]

Þeir svífast einskis sjallarnir, það hefði sennilega verið ótækt að hafna Þorsteini í annað skiptið, af einhverjum ástæðum sækir hann um aftur, kannske hefur hann verið búin að fá vitneskju um að fá starfið.

[Jón Ingi Cæsarsson, 23.12.2007 kl. 15:13]

Það er ljótt að segja það...en þessir ráðherrabjálfar Sjálfstæðisflokksins hafa stórskaðað Þorstein með því að beita þeirri valdníðslu og ósvífni sem þetta mál er....því miður. Hann mun bara eiga erfitt uppdráttar í þessu embætti því allir muna hvernig hann fékk jobbið

[Heimir Lárusson Fjeldsted, 23.12.2007 kl. 15:26]

Lögin segja að nefndin skuli meta hvort umsækjendur séu hæfir, annað ekki.

Allir voru hæfir. Ekki stendur í lögunum að velja skuli; hæfan, hæfari, hæfastan.

Einföld lög sem allir skilja.

[Anna Benkovic Mikaelsdóttir, 23.12.2007 kl. 15:32]

Heimir...kannski væri betra að nefndin úrskurðaði "hæfur" og "óhæfur"???

[Óskar Þorkelsson, 23.12.2007 kl. 15:35]

Árni er siðblindur, sjálfstæðisflokkurinn einnig.

[Bubbi J. (IP-tala skráð) 23.12.2007 kl. 15:41]

Þið eruð greinilega öll óhæf í hinum sanna jólaanda, er ekki í lagi að hvíla pólitíkina aðeins og hleypa jólunum að...og hugleiða hvað Jesú Kristur boðaði ???

[Anna Benkovic Mikaelsdóttir, 23.12.2007 kl. 15:42]

ég segi nú bara Árni valdasleikir, vegna þess að Hjörtur kallar Ingibjörgu Sólrúnu "evrusleiki"

[Tryggvi F. Elínarson, 23.12.2007 kl. 17:27]

Ef það hefði verið kona í þessum þriggja manna hópi hæfari einstaklinga... hvað þá?? Kært til jafnréttisnefndar? Herskár flokkur femínista fyrir utan hjá Árna núna með heykvíslar og logandi kyndla?? Ég er ekki viss um þær hefðu tekið því þegjandi og hljóðalaust. Merkilegt hvernig það má alveg ganga framhjá hæfari körlum... en aldrei konum?!

[Guðjón Sigþór Jensson, 23.12.2007 kl. 18:26]

Já þetta er ekki góð staða fyrir Sjálfstæðisflokkinn. Að gefa þeim langt nef sem sækja um þetta starf og einnig þeim sem sitja í þessari nefnd: hvers vegna er skipuð nefnd til að fara yfir umsóknir ef ekki átti að fara eftir þeim faglegu ábendingum.

Þá er önnur hlið á þessu máli: það er ekki þægileg staða að vera sonur þekkts stjórnmálamanns sem þekktur hefur verið fyrir að komast upp með nánast allt, rétt eins og bændurnir í Kreml.

Kannski að fyrirmyndarinnar sé að leita þangað hvernig umsækjendum um mikilvægar stöður í samfélaginu er raðað eftir flokksskírteinum Framsóknarflokks og Sjálfstæðisflokks?

Mosi óskar öllum gleðilegra jóla

[Ólafur Sveinn Haraldsson (IP-tala skráð) 23.12.2007 kl. 19:57]

Sælir

Árni dýralæknir og fjármálaráðherra Sjálfstæðisflokksins nýtir jólafríið til að finna rök með ráðningunni! Erfið staða fyrir Árna sem stjórnmálamann og erfið staða fyrir Sjálfstæðisflokkinn.

mbk.

[Gísli Baldvinsson (IP-tala skráð) 23.12.2007 kl. 20:16]

Sé nú ekki erfiðleikann í stöðunni. En gleðileg jól og farsæld á nýju ári.

[Gísli Bergsveinn Ívarsson, 25.12.2007 kl. 11:37]

Gleðileg jól, og takk fyrir góð og skemmtileg samskipti á árinu sem er að líða