Snæfell og Harðbakur á lokasprettinum.

Þessi mynd er tekin í Torfunefsdokkinni á Akureyri á árunum fyrir 1980. Gamla Snæfellið EA 750 lá bundið utan á Harðbak EA 3. Bæði skipin höfðu legið þarna nokkuð lengi og biðu hinstu hvílu. Svo gerðist það eina nóttina að Snæfellið tók upp á því að sökkva og hengdi sig í gamla síðutogarann sem hélt því uppi næsta auðveldlega.

Ekki leið langur tími að þessir tveir öldnu Akureyringar hurfu á braut... Snæfellið út á Grímseyjarsund og Harðbakur gamli til Bretlands í brotajárn. Ég vil þó hafa fyrirvara á því hvar hann endaði að lokum.

Þarna er ekki búið að fylla upp í dokkina milli Torfunefbryggju ytri og syðri. Nú er dokkin horfin að verulegu leiti en syðri bryggjan er enn á sínum stað og þarfnast sárlega viðhalds eða endurbyggingar. Yfir Kaldbak rétt glittir í Kornvöruhús Kea sem er löngu horfið.

Athugasemdir

[Jón Halldór Guðmundsson, 8.11.2007 kl. 01:05]

Þessi mynd er perla.