Fagrir vetrardagar.

Fyrsti vetrardagur var á laugardaginn. Það er ekki amarleg byrjun á vetri hér norðanlands og dagurinn í dag var hreint dýrðlegur. Blanka logn, sólskin og hvert sem litið var stóð heimurinn á haus hvar sem nálgast var vatn eða sjó.

Hér hlykkjast þjóðvegur eitt í gegnum Vaðlareitinn og stendur svo á haus í lóninu milli Eyjafjarðarbrautar eystri og gamla Vaðlaheiðarvegarins sem áður lá með brekkunum hér næst. Svona dagar skila manni bjarsýnum og fullum gleði inn í komandi vetur.