Antonov gamlar og úr sér gengnar ?

Það hefur verið nokkur skemmtan fyrir okkur sem höfum áhuga á flugvélum að fylgjast með flugi Antonov véla frá Akureyri. Fyrir ekki svo löngu síðan flugu samskonar vélar tugi ferða til Grænlands með varning. Honum var siglt hingað og svo flogið héðan með svona vélum. Það var sérkennilegt að fylgjast með flugtaki og lendingum ... einhvernvegin var ekki 21. öldin.

Antonov 12 vélar voru framleiddar í Sovétríkjunum frá 1957 til 1973 og eru því allra yngstu vélar af þessari gerð 34 ára gamlar. Það þykir nokkuð hár aldur á flugvélum og vafalaust eru lönd þau sem reka þessar afdönkuðu herflutningavélar fræg fyrir annað en nákvæmt viðhald og eftirlit. Hér er aðeins nánar um þessar flugvélar.

http://en.wikipedia.org/wiki/Antonov_An-12

Það eru síður á netinu þar sem sem fylgst er með flugóhöppum í heiminum. Þar eru Antonov flugvélar algeng sjón. Sem dæmi hafa verið skráð 19 flugslys frá því í lok júní 2007 og þar hafa Antonov vélar átt hlut að máli 5 sinnum eða 25 % flugslysa á því tímabili. Þetta er afar hátt hlutfall því flugvélategundir skipta hundruðum í notkun í heiminum í dag. Mörg þessara flugslysa eru í Afríku og virðist sem þar sé helst leyft að nota þessa flugvélategund.

http://planecrashinfo.com/recent.htm

Líklega væri öruggara og auðveldara fyrir þetta ágæta flugfélag að finna sér nútímalegi og öruggari flugvélar. Til dæmis mætti leita sér að Hercules vélum sem eru algeng tegund í slíkum flutningum í dag.

http://www.gizmohighway.com/transport/lockheed_hercules.htm

 

 

 

Bann sett á vél Norðanflugs af öryggisástæðum

Athugasemdir

[Óskar Þorkelsson, 7.10.2007 kl. 00:51]

Rússar hafa gert margar góðar flugvélar í gegnum tíðina.. en því miður hafa þær lent í töluvert mörgum flugslysum sem oft má rekja til slæms viðhalds vélanna frekar en að þær séu illa smíðaðar.

En Herkúlesinn sem þú bendir á sem nútímalegri vél en Antonov 12 er ekkert nýrri af nálinni.. hefur flogið í yfir 50 ár og á eflaust önnur 50 eftir.

[Jón Ingi Cæsarsson, 7.10.2007 kl. 01:01]

Margar af þessum rússnesku vélum hafa örugglega verið ágætar sem slíkar. Því miður er viðhaldi þessar gömlu véla abótavant og er sammála því að ástæður þessara slysa eru fyrst og fremst vegna þess. Herculesinn er enn framleiddur eftir því sem ég best veit og hefur verið lengi.