Ríkið borgar þá kannski skuldir sínar.

Gott er að sjá að ríkissjóður stendur vel. Það ætti þá að leiða til þess að skattborgarar á Akureyri þurfa ekki að leggja fé sitt í að greiða þjónustu sem ríkinu ber. Erfiðlega hefur gengið að innheimta ýmar þær skuldir sem bærinn hefur lagt út fé fyrir, t.d. í heilbrigðismálum og fleiru. Þekkt er deilan um sjúkraflutninga sem ríkið hefur þverskallast við að klára sín mál.

Bæjaryfirvöld hafa verið að reyna að toga út fé það sem ríkið skuldar bænum með misjööfnum árangri. Þessi bókun sá sér stað á síðasta bæjarráðsfundi.

 Fjárlaganefnd Alþingis - fundur með sveitarstjórnarmönnum í september 2007
2007090045
Formaður bæjarráðs greindi frá fundi sem hann ásamt bæjarstjóra áttu með fjárlaganefnd Alþingis 20. september sl.  Í erindi bæjarstjóra og formanns bæjarráðs við fjárlaganefnd var farið yfir ýmiskonar ágreiningsefni sem uppi eru milli ríkisins og Akureyrarbæjar um kostnaðarskiptingu verkefna. Jafnframt var bent á mikilvæg verkefni í sveitarfélaginu sem full ástæða er til að ríkið komi að með myndarlegri hætti en það gerir nú.
Bæjarráð tekur undir þær áherslur sem fram komu í erindinu og felur bæjarstjóra að vinna áfram að því að koma þessum skilaboðum Akureyrarbæjar vegna fjárlagagerðar á framfæri við stjórnvöld.

Það er góðra manna siður að greiða skuldir sínar með góðu og ég trúi því að hæstvirt ríkisstjórn girði sig í brók og borgi það sem ríkið skuldar okkur Akureyringum.

 

Fjármálaráðherra: Áframhaldandi góð afkoma á ríkissjóði