Lítill afrakstur

Þá er það upplýst...farþegar á skemmtiferðaskipum eyða 400 milljónum hér og það er að meðaltali tæplega 7.000 krónur á mann. Þetta eru nokkrir peningar en afar lágt þegar tekið er tillit hversu margir farþegar koma hér á ári. Það er áhugavert að huga að því hvernig markaðssetingu fyrir þessa farþega er háttað og hvað þeim er boðið upp að gera hér.

Það er talað um að reyna að fá skipin til að stoppa yfir nótt í Reykjavík. En hvernig er þetta hér á Akureyri ? Hér stoppa skipin dagpart og það er eiginlega fyndið að fylgjast með þegar farþegarnir eru reknir um borð í rútur, passað vandlega að enginn sleppi nú laus og síðan er allur skarinn keyrðum austur í Mývatnssveit, settir þar í leikskólabönd og gætt sérstaklega að því að enginn þeirra taki sjálfstæðar ákvarðanir, hvað þá að þeir sleppi í búðir eða út á lífið. Það verður örugglega langt í að reynt verði að fá þessa farþega til að vera á Akureyri um nótt og enn lengra í að fyrir þá verði skipulegar ferðir um Akureyri sjálfa. Það er sennilega dapurleg niðurstaða þessa máls að lítið sé upp úr ferðamönnum að hafa sem hér koma með skemmtiferðaskipum.

Fyrir okkur Akureyringa er líklega mest að hafa frá áhafnarmeðlimum á frívakt og rölta í bæinn og svo erum einstaka farþegar sem ekki vilja láta leiða sig til allra athafna. Ekki veit ég við hverja er að sakast og hverjir skipuleggja þessar ferðir hér á landi en ljóst að þeir eru ekki að standa faglega að málum.

Farþegar á skemmtiferðaskipum eyða 400 milljónum

Athugasemdir

[Gísli Baldvinsson (IP-tala skráð) 1.10.2007 kl. 09:08]

Þetta er að sjálfsögðu gott forgangsverkefni fyrir Akureyrarstofu. Það má finna leikskólabönd og kerrur hér í bæ.

Nokkrar hugmyndir: Við komur skipa: Karlakórinn syngur við hafnarbakkann, gamall Farmall I5 með skilti um söfn bæjarins. Grænmetis og skranbasar meðfram Strandgötunni.....Anna R skúrandi hafnarbakkann.... fullt fullt til að lokka.