Vetur kemur og fer.

Í dag er búið að vera hundfúlt veður. Norðan kalsarigning og nepja. Ég fór einn hring um Eyjafjarðarsveit, inn að vestan og út að austan og sá ekki einn einasta fugl í þeirri ferð. Þó erum álftirnar enn hér og stórir hópar móflugla voru að æfa flug í vikunni. Þeir voru allir á bak og burt í dag en þó er líklegra að þá hafi ekki langað til að láta á sér bera í rigningunni og kalsanum frekar en þeir séu flogir endanlega.

En nú bregður svo við að veðurspáin lofar bót og betran veðurguðanna. Tveggja stafa tölur í veðurspám í miðri vikunni og mér sýndist ég sjá 19 gráður á kortinu norðan jökla á miðvikudag og fimmtudag. Við eigum því von á sumarauka á næstu dögum.

Ég missi þó af þessu að einhverju leiti því á miðvikudag förum við tveir á umhverfisfund í  Kolding Danmörku. Þar munum við kynna þau verkefni sem Akureyri hefur valið sér sem viðfangsefni í " countdown 2010" sem er verkefni sem nokkur sveitarfélög á öllum Norðurlöndum taka þátt í. Það verður skemmilegt og þau verkefni sem við ætlum að takast á við hér eru metnaðarfull og gefandi fyrir bæinn okkar. Það kynnum við fljótlega þegar heim verður komið.

Myndin sem fylgir tók ég úr Grundarreit í Eyjafjarðarsveit fyrir viku síðan og þá var vetur til fjalla í Eyjafirði eins og í dag.