Samkeppni eða ekki.

Stundum botna ég ekki í Sjálfstæðisflokknum og þeim sem þar ráða för. Þeir berja sér á brjóst og vilja hlutfélagavæða og einkavæða út og suður og eru sannir á trú sinni á kapitalisma og samkeppni. Það hefur heldur betur kristallast í umræðum um orkumál og fjarskiptamál. Þar vill Sjálfstæðisflokkurinn einkavæða og vísa til samkeppni og stöðu á markaði. Síðast má muna undarlegar skoðanir Sigurðar Kára á samkeppnisstöðu Íslandspósts hf.

En svo er það hinn Sjálfstæðisflokkurinn sem stendur vörð um úrelt kerfi í fiskveiðistjórnun og ekki síður í landbúnaði. Málflutningur flokksins í þeim málaflokki er nákvæmlega eins og Framsóknarflokksins anno 1916. Þar á að undanskilja einokunarfyrirtækin frá samkeppnislögum og láta neytendur borga brúsann.

Eins er málflutningur flokksins í Evrópu og mynntbandalagsmálum. Ber vott um staðnaða hugsun og íhaldsemi. Þess vegna veltir maður því stundum fyrir sér hvernig flokkur Sjálfstæðisflokkurinn er ?? Er hann kannski bara ofvaxinn Framsóknarflokkur og ástæður rýrnunar þess flokks að mannskapur og hugmyndafræði hafa streymt inn í bláa staðnaða tröllið í Valhöll.....hver veit ?

Vill auka frjálsræði í landbúnaði