Gamlar fréttir.

Ég hef alla tíð verið fréttafíkill og læt fáa fréttatíma framhjá mér fara. Það var því hvalreki á fjörur mínar eins og margra annarra þegar netið náði útbreiðslu og hægt var að skjóta sér inn á síður og skoða nýjustu fréttir. Enn betra var síðan þegar fréttatímar urðu aðgengilegir í óbreyttri mynd á heimsíðum fjölmiðlanna.

Svæðisbundnu fjölmiðlarnir hafa síðan verið að bæta þjónustu sína og hægt er nú að fara inn á heimasíður þeirra og skoða fréttatíma og textafréttir.

Þó er einn alvarlegur hængur á og ég er ekki alveg að skilja. Þessir fjölmiðlar virðast ekki átta sig á mikilvægi þess að þetta sé að ganga eftir og alltaf séu nýjustu fréttir á texta og vefmiðlum. Sem dæmi að í dag er sunnudagurinn 18. ágúst og fréttatíminn og nýjasta textafréttin hjá N4 er síðan á fimmtudaginn 15. ágúst. Eins er það með textavarp RUVAk ... voðalega eru gamlar fréttir sem þar hanga uppi, stundum dögum saman. Nýjustu fréttir þar eru að vísu frá á fimmtudaginn. Þó er nýjasti fréttatími RUVAK kominn inn, þ.e. fréttatíminn á föstudaginn kl. 17.05.

http://www.n4.is/

http://www.textavarp.is/145/1.html

Ég hef stundum verið að furða mig á þessu og kannski ég ætti bara að hafa samband við þá og spyrja. Fátt er úldnara hjá fjölmiðli en fréttirnar frá í fyrradag eða enn eldra.

Athugasemdir

[Páll Jóhannesson, 19.8.2007 kl. 20:10]

Ég er sammála, það er vont að hafa gamlar fréttir uppi. Skora á þig og lesendur bloggsins að kíkja á www.myndrun.is sem er vefsíða ljósmyndarns Rúnars, og hvað skyldi mönnum þykja um uppfærsluna þar? ef þetta er merki um vinnubrögð stofunnar hans þá myndi ég ekki fara til hans með fjölskylduna í myndatöku