Friðlýsing góður kostur.

Ég tek undir með SUNN, friðlýsing Héðinsfjarðar er góð hugmynd og væri gott innlegg í uppbyggingu á Eyjafjarðarsvæðinu. Lítt snortinn dalur og fjörður með minjum, fögrum gróðri og stórkostlegu landslagi. Er hægt að hugsa sér betri ástæður til friðlýsingar en þær.

Hér er heldur ekki að trufla það sem oftast stendur í vegi fyrir slíkri friðlýsingu, einhverjir óljósir hagsmunir einhverra sem þættust vera að missa spón úr aski sínum. Ég styð þessa hugmynd eindregið og legg til að að henni verði unnið af krafti.

Þetta verkefni er eimitt kjörið til að skjóta styrkari stoðum undir samtökin sem gætu auðveldlega tekið fjörðinn og dalinn í fóstur og gæslu, að lokinni slíkri friðlýsingu. Ég sé fyrir mér fólkvang með skipulagi sem tryggir almenningi vistvænan aðgang að gersemum svæðisins.

Vilja friðlýsa Héðinsfjörð