Auðvitað er hún sek.

Kaupmenn á Akureyri eru miklir baráttumenn fyrir réttlæti og það er gott. Réttlæti er eimitt í því fólgið að hafa víðsýni og sjá marga mismundandi fleti á hverju máli og það sjá þessir aðilar svo sannarlega.

Auðvitað á meirihlutinn að segja af sér. Nefnd á vegum hans ákvað að setja reglur á tjaldsvæðum Akureyrar sem miðuðu að því að fjöskyldufólki með börn svo og almennum ferðamönnum yrði tryggð ró og góð umgengni á tjaldsvæðunum. Þetta er auðvitað slæmt og eðlilegt að meirihlutinn segi af sér og þá taki minnihlutinn við sem væri nýtt í sveitarstjórnarmálum á Íslandi. Svo eru það skátarnir, þeir eru auðvitað félagasamtök sem eiga alls ekki að standa í svona rekstri, það er miklu betra að hafa kaupmenn í slíku sem hafa vit á rekstri og hvað kemur þeim best.

Það er auðvitað mjög alvarlegt má að bæjarstjórninn á Akureyri lét vera 8 stiga hita 10-15 metra vind og rigningu á föstudag og laugardag. Þar ber henni að axla ábyrgð og auðvitað axlar hún ábyrgð á því í leiðinni að aldrei hafa verið færri á Síldarævintýri á Siglufirði og að því Siglfirðingar hafa ekki áttað sig á að það er bæjarstjórninni að kenna er sjálfsagt og eðlilegt að meirihlutinn á Akureyri axli ábyrgð á því í leiðinni. Bæjarstjórn sem ekki ræður við veður er auðvitað ekki á vetur setjandi.

Hvetja til afsagnar bæjarstjórnar

Athugasemdir

[Guðmundur Björn, 9.8.2007 kl. 08:07]

8 stiga hita?  AFSÖGN ÁN TAFAR!

[Ingólfur Þór Guðmundsson, 9.8.2007 kl. 08:43]

Akureyringar eru svo heitir eftir þetta Lúkasarmál, að þeim vantar eitthvað til þess að æsa sig yfir !

[Dofri Hermannsson, 9.8.2007 kl. 10:03]

Hér dugar ekkert annað en sérframboð kaupmanna á Akureyri fyrir næstu sveitastjórnarkosningar.

[Óskar Þorkelsson, 9.8.2007 kl. 15:12]

flytja veðurstofuna norður.. laga veðrið og móralinn á stofnunni um leið

[Brattur, 9.8.2007 kl. 20:44]

... það þýðir ekkert að agnúast út í kaupmenn þó svo að bæjarstjórn Akureyrar hafi bannað fullorðnu fólki að tjalda í bænum um verslunarmannahelgina...það getur bara aldrei verið gott að draga fólk svona í dilka... hvað með að banna þeim að tjalda sem eru þyngri en 90 kg. eða rauðhærðum.... eða þeim sem halda með KR í fótbolta... þetta er álíka vitlaust og að banna fólki á aldrinum 18 - 23 ára að tjalda... og Akureyrarbæ ekki til sóma... sýnir bara hvað við erum forpokuð og viljum ekkert láta neitt utanbæjarpakk raska ró okkar...

[Jón Ingi Cæsarsson, 9.8.2007 kl. 21:56]

Rétt...enda er ég að hvetja þá til dáða...

en hvar fréttir þú að það væri bannað að tjalda í bænum...það var bara takmarkað aðgengi að fjölskyldutjaldvæðum fyrir einstaklinga á þessu aldri eins og víða um land...

öllum var frjálst að koma og tjalda þar sem þeir fengu leyfi...t,d við heimahús...þetta er aðeins komið út fyrir það sem var í framkvæmd og orðið eins og sagan um fjöðrina og hænuna.

Hér var fjöldi fólks á þessum aldri bæði í tjöldum, heimahúsum, orlofshúsum og víðar. Að vísu var veðrið frekar fjandsamlegt tjaldbúum...8 stiga hiti..hvasst og rigning en margir létu sig hafa það.