Dyngjufjalladalur - dulmögnuð eyðimörk.

Það er eiginlega óvænt upplifun að fara um Dyngjufalladal í síðdegisbirtu. Á korti og í bókum er ekki mikið gert úr þessum dal sem liggur milli Dyngjafjalla og Dyngjufjalla ytri nærri Öskju. Í dalinn verður komist sunnan af örfæfum af lokaáfanga Gæsavatnaleiðar, úr Suðurárbotnum og úr Mývatnssveit vestan Sellandafjalls.

Það var ótrútlegt sjónarspil ljóss og skugga í dalnum sem er mjög þröngur á kafla og ljósar liparitsskriður bregða ótrúlegri birtu um hlíðar fjallanna. Þau eru þó hvorki há né sögufræg en einhvernveginn hefur þessi staður ótrúlega dulmögnuð árhrif. Þarna er gönguskáli Ferðafélags Akureyrar sem það notar sem áfangaskála á gönguleiðinni Suðurárbotnar - Askja - Herðurbreiðalindir.

Fegurð öræfa Íslands er stórkostleg.

Læt fylgja hér með eina mynd af mörgum sem ég tók þarna. Hún sýnir á veikburða hátt hver upplifun er að vera þarna á ferð við slíkar aðstæður sem voru á laugardaginn síðasta.