Hverjir eiga Landsvirkjun ?

Mér eiginlega öllum lokið. Getur verið að Landsvirkjun sem er í eigu ríkisins geti og megi mæta með tilboð til einstaklinga og sveitarfélaga um fyrirgreiðslu. Að slíkt fyrirtæki reyni að hafa áhrif á ákvarðanir sveitastjórna og íbúa í einstökum byggðalögum með mútum og tilboðum um aukafyrirgreiðslu.

Í því tilfelli sem verið hefur til umræðu hefur verið nefnt að Landsvikjun hafi verið að bjóða vegaframkvæmdir og tilboð um bætt GSM samband. Í staðin ætlar Landsvirkjun að fá eina helstu náttúruperlu hreppsins og virkja hana. Síðan á sveitarfélagið enga aðkomu að tekjum þessarar vikjunar því hún er reist í öðru sveitarfélagi.

Ég held að það sé kominn tími til að taka völdin af forstjóra Landsvirkjunar. Hann virðist halda að hann sé stjórnvald í ríkinu og eigi persónulega þetta fyrirtæki sem honum er falið af þjóðinni að stjórna.

Fagna samþykkt um Urriðafossvirkjun

Athugasemdir

[Jón Halldór Guðmundsson, 26.6.2007 kl. 18:40]

Ég tel að þegar opinberir starfsmenn, eins og þeir sem vinna hjá Landsvirkjun reyna að stjórna sveitarstjórnum, þá séu þeir að fara á hála braut.  Það eru nefnilega þeir sem kjörnir eru til að stjórna sveitarfélaögum sem eiga að fara með forræði þeirra. Þeir sem eru kjörnir í stjórn Landsvirkjunar hafa falið stjórnandum að stjórna rekstri fyrirtækisins. Ég efast um að stjórnvöld hafi falið Landsvirkjun svona verk.