Vonandi meiri jafnaðarmaður

Vonandi er hinn nýji leiðtogi Verkamannaflokksins í Bretlandi meiri jafnaðarmaður í reynd en forveri hans í embætti. Fyrstu yfirlýsingar Gordon Brown lofa góðu og það ber að fagna skynsamlegum yfirlýsingum hans varðandi öfgahópa heimsins. Hann nefnir að takast á við fátækt og bæta heilbrigðisþónustu þannig að sá málflutningur ber vott um meiri jafnaðamennsku í hugsun en reyndist vera hjá forvera hans í embætti.

Blair byrjað vel, en endaði feril sinn með stefnu og framkvæmd sem ekki sæmdi jafnaðarmanni og jafnaðarstefnu. Það hafði leitt til þess að kjósendur Verkamannaflokksins snéru við honum baki í æ ríkari mæli samkvæmt skoðanakönnunum. Nú bregður svo við að Verkamannaflokkurinn mælist á ný stærri en Íhaldsflokkurinn í fyrsta sinn í meira en ár. Koma Brown í embætti hefur þegar í stað aukið trú jafnaðarmanna í Bretlandi að flokkurinn verði á ný trúr þeirri stefnu sem hann fylgdi í upphafi valdaferils Blair. Líka má gera ráð fyrir að Gordon Brown verði ekki sama undirlægja hægri öfgamanna í Bandaríkjunum og forveri hans var orðinn. Ég fagna því leiðtogaskiptum í Verkamannaflokkun á Bretlandi og trúi því að jafnaðarstefnan verði á ný leiðarljós við stjórnun landsins.

Gordon Brown boðar stefnubreytingu