Samgönguráðherra á félagsfundi.

Það verður félagsfundur hjá Samfylkingunni á Akureyri í kvöld klukkan 20.00. Þar mætir samgönguráðherra og fer yfir stöðu mála og framtíðina með okkur. Það verður fróðlegt að heyra í ráðherranum og mér skilst að hann sé í heimsókn hér í bæ í dag og ætli m.a. að hitta forsvarsmenn Greiðrar leiðar og fleira.

Hvort hann færi okkur einhver tíðindi varðandi það einstaka mál veit ég ekki, en nú gefst félagsmönnum okkar gott tækifæri að heyra í ráðherranum og rekja úr honum garnirnar varðandi framtíðina í samgöngumálum og ekki síður í sveitarstjórnamálum en margir gleyma því að Kristján er líka ráðherra sveitarstjórnarmála.

En það verður fjör í kvöld í Lárusarhúsi og ég vona sannarlega að margir leggi leið sína þangað til að hlýða á ráðherrann. Mér skilst að líka eigi að töfra fram einhverjar veitingar þannig að líka verður mögulegt að fylla í líkamlega tankinn auk þess andlega.

Þetta er næst síðasta uppákoma hjá okkur Samfylkingarmönnum á Akureyri fyrir sumarleyfi en síðasti í opnu húsi verður næstkomandi laugardag. Þá fer almenn starfssemi í sumarleyfi og aðeins verða bæjarmálafundir í tengslum við bæjarstjórnarfundi í sumar. Einn slíkur er eftir í júní og síðan verða fundir í júlí og ágúst, einn í hvorum mánuði.

 

http://akureyri.hexia.net/

Myndir og frásögn á bloggsíðu Akureyrarfélagsins.

Athugasemdir

[Jón Halldór Guðmundsson, 13.6.2007 kl. 23:43]

Það væri gaman að heyra af fundinum.

[Jón Ingi Cæsarsson, 14.6.2007 kl. 00:35]

http://akureyri.hexia.net/

Hér er smávegis frá fundinum...linkur á bloggsíðu Akureyrarfélags