Jóhanna mætt til leiks.

Hinn nýji félagsmálaráðherra byrja af krafti og ekki við öðru að búast. Jóhanna Sigurðardóttir er öflugur ráðherra og ekki nokkur hætta á að hún sitji auðum höndum. Hún er líka ráðherra sem þorir sem varla er hægt að segja með sanni um nokkra forvera hennar undanfarin ár.

Meginatriði aðgerðaáætlunar til að styrkja stöðu barna og ungmenna verða að sögn félagsmálaráðherra að bæta afkomu barnafjölskyldna, meðal annars með hækkun barnabóta tekjulágra fjölskyldna, lengingu fæðingarorlofs, stuðningi við foreldra í uppeldisstarfi, eflingu forvarna og aðgerðum gegn vímuefnaneyslu. Einnig verður framfylgt aðgerðum í þágu barna og ungmenna með þroskafrávik, hegðunarerfiðleika og geðraskanir, langveikra barna og barna sem eiga við vímuefnavanda að etja. Sömuleiðis verður ráðist í aðgerðir til að vernda börn og ungmenni gegn kynferðisbrotum og til að styrkja stöðu barna innflytjenda.

Þetta er brot úr fréttinni. Jóhanna Sigðurðardóttir er mætt til leiks.... það fer ekki á milli mála.

Aðgerðaráætlun til að styrkja stöðu barna og ungmenna samþykkt