Grímur spólar í sömu förum.

"Steingrímur J. Sigfússon, formaður VG, sagði að frumvarpið væri afrakstur pólitískra hrossakaupa við stjórnarmyndun. Með því væri brotið blað og pólitíkin færð innar og nær þinginu en oftast áður og það væri með endemum, að ríkistjórnin skuli ganga gegn þeirri órofa hefð, að leitað sé eftir samkomulagi og samstöðu um breytingar á þingsköpum.

Sagði Steingrímur, að frumvarpið væri þrælmengað af því hugarfari, sem hefði ágerst undanfarin ár allt frá árinu 1991, að Alþingi sé ekkert annað en afgreiðslustofnun fyrir framkvæmdavaldið. Þetta hafi farið versnandi með árunum."

Eins og sjá má á þessum hendingum í frétt um breytingar á þingnefndum er ljóst að Grímur reykspólar enn og reykurinn er orðinn það þykkur að enginn veit eða skilur hvað fer fram í kófinu. Það er ótrúlega seigt í fýlunni í formanni VG og það væri létt gaman að veðja um hvenær dettur jákvætt orð frá honum í fjölmiðlum og Alþingi. Lengi sannst hið fornkveðna að lengi getur vont versnað. 

Frumvarp um breytingar á þingnefndum fær kaldar kveðjur