Því miður er þetta lélegt lið.

Ég hef ekki haft mikinn áhuga á að fylgjast með landsliðinu í knattspyrnu lengi. Ég lét mig hafa það í dag og horfði á leikinn í beinni til að vera umræðuhæfur. Ég eiginlega sé eftir þessu og ér er eiginlega undrandi á getuleysi liðsins og margra einstaklinga innan þess. Þetta var eiginlega áfall og ég hafði ekki gert mér grein fyrir að þetta væri svona lélegt.

Það er gott að hafa lítið vit á fótbolta þegar maður tjáir sig um svona nokkuð. Það sem ég sá, amatörinn og leikmaðurinn, að þarna var á vellinum 11 manna ósamstæður, illa agaður hópur manna sem var að reyna að spila knattspyrnu. Því miður var allt það sem kallast gæti vönduð, góð knattspyrna átti sér stað í smáliði andstæðinganna sem ekki telst með stórþjóðum.

Stóru nöfnin okkar voru mér mikil vonbrigði. Bestu menn liðsins voru Árni Gautur í markinu og Matthías Guðmundsson í FH. Stórstjörnurnar hugsuðu fyrst og fremst um að greiðslan ólagaðist ekki og biðu eftir að eitthvað gerðist af sjálfu sér. Brynjar Björn var þó að taka á því af og til.

Hvað er eiginlega að ? Ég hef aðeins fylgst með úrvalsdeildinni í knattspyrnu í upphafi móts í ár. Ég fullyrði og stend við það að framlína og miðja FH liðsins er miklu sterkari en sambærilegt í þessu landsliði. Kannski er það ekki undarlegt þar sem margir þessara manna eru í lítilli sem engri leikæfingu og eyða löngum stundum á varamannabekkjum liða sinna. Hvernig væri að hætta að týna til leiks menn sem hafa það eitt til brunns að bera að vera á launaskrá hjá erlendum liðum. Eiður Smári er því miður aðeins skugginn af sjálfum sér og leggur sig alls ekki fram.

Hvernig væri að leita heimaslóðir og hætta útlendingadýrkun.  Besti maður þessa liðs var heimamaðurinn og nýliðinn Matthías Guðmundsson enda hefur hann hugarfarið í lagi og vill standa sig.

Jafntefli gegn Liechtenstein og Eiður í leikbann

Athugasemdir

[Páll Jóhannesson, 4.6.2007 kl. 10:38]

Ég sagði þegar Eyjólfur var ráðin að ég ótaðist að þetta væri óráð þ.e að ráða hann.

Ég fór á leikinn og var fyrir svo miklum vonbrigðum með leikinn að það hálfa væri miklu, miklu meir en nóg. Eitt af því sem olli hvað mestu vonbrigðum var hversu ofboðslega dapur fyrirliðin var. Hann t.a.m. fékk afar verðskuldað gult spjald þegar hann þóttist ekki heyra í flautunni .... com on það mátti heyra saumnál detta enda heyrðist ekki múkk í áhorfendum þegar þetta gerðist. Ég segi enn og aftur út með Eyjólf og fáum mann með reynslu í hans stað.

Það verður í það minnsta bið á því að ég fer á völlinn ef þetta er það sem á að bjóða manni uppá.