Lokaða bloggið hans Björns Inga.

Tveir stjórnmálamenn sem blogga mikið eru báðir því marki brenndir að leyfa ekki athugsemdir á síðum sínu. Þeir vega mann og annan í skrifum sínum en loka á aðkomu og möguleika til andsvara. Það er auðvitað þeirra val en mjög hallærislegt og heldur lítilmannlegt.

Björn Ingi   http://bingi.blog.is/blog/bingi/#entry-227399 hefur sérstakar áhyggjur af Samfylkingunni og því sem þar er að gerast. Honum er einstaklega umhugað um varaformanninn okkar Ágúst Ólaf og skilur hvorki upp né niður í því hvernig staða hans er í flokknum. Ágúst sjálfur lét þess sérstaklega getið að hann óskaði eftir nefndarformennsku í viðskiptanefnd en ekki fjárlaganefnd. Birni er þetta mikið áhyggjuefni en ég ráðlegg honum að lesa bloggið hans Gústa og kynna sér málin. Það er nú kannski ofmælt að fara fram á það því mér sýnist á skrifum þessa ágæta manns að oft er hann ekki að vanda fullyrðingar sínar.

Aðeins smá ágiskun.

Kannski finnst Birni Inga þetta rýrt því hann fékk allt fyrir ekkert í myndun meirihluta í Reykjavík. Það var rýrt fylgið sem skilaði honum valdastöðu í Reykjavíkurborg þar sem íbúar hafa gefið út dánarvottorð Framsóknarflokksins. Það er sennilega einsdæmi að 6% manni sé falið slíkt vald og Sjálfstæðisflokknum til lítils sóma að leiða til valda stjórnmálamann sem fólkið hafnaði.

Athugasemdir

[Páll Jóhannesson, 1.6.2007 kl. 23:00]

Auðvitað hræðist Björn Ingi það hvað fólk hefur um skrifin hans að segja, hann notar bara sömu aðferðina og Strúturinn - stingur höfðinu ofan´sandinn og þá heldur hann að allt sé í lagi