Hin miskunarlausa nálgun tölvunnar.

Ég hef verið hugsi undanfarna daga. Það er sársaukafullt að sjá fulltrúa kerfisins mæta í sjónvarpssal og útskýra af fullkomnu tilfinningaleysi hvernig tölvan vísaði fjórum börnum með valdi úr landi.

 

Fáeinir stjórnmálamenn hafa mætt sviplausir í fjölmiðla, "the computer says no".  Kerfiskallar á ferð.

 

Viljum við búa í landi sem afgreiðir viðkvæm mál með þessum hætti ? 

 

Sumir segja vafalaust já. Hvort þeir segðu já ef þetta væru þeirra eigin börn er spurning, sennilega ekki.

 

Vonandi breytist hugarfar ráðamanna í þessum málaflokki þegar börn eiga í hlut. Ég held að meirihluti landsmanna vilji ekki hafa þennan háttinn á.

 

Ísland að vera öruggt athvarf barna á flótta.

 

 

Athugasemdir

[Hörður Þormar (IP-tala skráð) 24.9.2020 kl. 18:06]

Undan hverju eru þessi börn að flýja?

Faðir þeirra er sagður vera meðlimur í Múslímska bræðralaginu, sem nú munu vera bönnuð, en voru um hríð öflugustu stjórnmálasamtök í Egyptalandi, með milljónir meðlima.

Egyptaland er einræðisríki undir stjórn hersins. Hún hefur vissulega sýnt hörku, en varla fer hún að pynta eða drepa milljónir manna. Fjölskyldufaðirinn, Khedr (ef ég fer rétt með nafnið) óttast um líf sitt, verði hann sendur aftur heim. Sé það rétt, þá eiga menn eitthvað sökótt við hann. Eigum við kannski að veita morðingjum hæli hér, vegna barna þeirra? Ekki vil ég fullyrða að hann sé glæpamaður, en fróðlegt væri að vita hvað hann á að hafa gert af sér.

Í Egyptalandi búa margir við sára örbirgð, en ekki er að sjá að það gildi um þessa fjölskyldu, a.m.k. hafði hún efni á að fljúga frá Egyptalandi til Oman og þaðan til Íslands, það gera engir fátæklingar. Ekki er annað að sjá en að þeim hafi verið skipulega beint hingað, með eða án þeirra vilja.

Reyndar er ekki að sjá að þetta blessað fólk sé sérstaklega hamingjusamt hér, enda varla von, búið að vera hér í algjöru ráðaleysi í tvö ár, leiksoppur lögfræðinga, kerfisfólks og eihhverra góðgerðasamtaka sem vill ráðsmennskast með það. Þekktur þýskur sálfræðingur, Ahmad Mansour, af palestínskum ættum, lýsti slíku fólki sem rasistum, sem hefðu sérstaka ánægju af að meðhöndla flóttafólk eins og gæludýr eða tuskudúkkur.

Ekki þori ég að lofa neinu um afdrif fjölskylduföðurins, verði hann sendur til Egyptalands, en ég held að börnunum muni líða best í heimalandi sínu, í faðmi afa, ömmu og annara ættingja. 

[Jón Ingi Cæsarsson, 25.9.2020 kl. 00:00]

Hörður..sem betur fer hefur þetta mál fengið farsælla niðurstöðu og nú geta þessi börn lifað hér í öryggi í framtíðinni.

Ég sé að þú gefur þér ýmislegt sem stenst ekki skoðun en nú er þessu máli lokið með góðri niðurstöðu fyrir alla.

[Hörður Þormar (IP-tala skráð) 25.9.2020 kl. 00:56]

Ég tek undir það, vonandi mun þessari fjölskyldu vegna vel.