Sorglegur afleikur menntamálaráðherra.

Talsverður sjór gengur nú yfir Lilju vegna skipunar hennar á Páli Magnússyni flokksbróður hennar í starf ráðuneytisstjóra. Hún er fullum fetum vænd um að hygla flokksgæðingi eftir að kærunefnd jafnréttismála felldi sinn úrskurð nú í vikunni; með ráðningunni braut ráðherra jafnréttislög. Hafdís var að mati nefndarinnar hæfari en Páll.

Ég hélt í einfeldni minni að Lilja Alfreðsdóttir væri öðruvísi og nútímalegri Framsóknarmaður.

En það var sannarlega ekki, það sem hún gerði var afleikur af verra taginu og nokkuð víst að álitshnekkir hennar verður mikill.

Nú hefur umboðsmaður Alþingis fengið málið til skoðunar og ekki ólíklegt að þetta eigi eftir að kosta ríkissjóð töluverðar upphæðir.

En niðurstaðan er, Lilja Alfreðsdóttir féll á prófinu og tók flokkshagsmuni ofar þjóðarhag, og það fullkomlega meðvitað.

Vonbrigði.

Athugasemdir

[Þorsteinn Siglaugsson, 4.6.2020 kl. 20:49]

Af hverju kallarðu þetta afleik Jón Ingi? Ég sé ekki annað en að hún spili alveg hárrétt. Framsóknarmaður yfir nefndinni, hann ræður Framsóknarmanninn, og Framsóknarráðherrann skrifar undir. Hefur þetta ekki alltaf verið svona?