Litlar breytingar á fylgi og þó.

Litlar breytingar eru á fylgi flokkanna eða á bilinu 0,2 til 1,5 prósentustig og þær því ekki marktækar. Rúmlega 25 prósent sem taka afstöðu í könnuninni segjast myndu kjósa Sjálfstæðisflokkinn, færu kosningar til alþingis fram í dag. Nær 18 prósent myndu kjósa Samfylkinguna, rúmlega fjórtán prósent Vinstri græn, ellefu prósent segjast myndu kjósa Pírata, tæplega tíu prósent Framsóknarflokkinn og nærri átta prósent Miðflokkinn og Viðreisn.

( ruv.is )

Þjóðarpúlsinn boðar engar stórkostlegar breytingar um þessi mánaðarmót.

Sjálfstæðisflokkurinn sígur aðeins upp, úr 24,5 % í 25,3%

Samfylkingin fer upp, úr 16,5% í 17,7 % við það hæsta sem hún hefur mælst síðan flokkurinn fór að sækja á.

VG hreyfist lítið, er við 14% svipað og síðast, 17,3% var það í kosningunum.

Sama með aðra flokka, lítil hreyfing, Píratar, Viðreisn, Flokkur fólksins og Miðflokkurinn síga niður á við en Framsókn hækkar aðeins, úr 9,2% í 9,6%

Ríkisstjórnin sígur um 2 % eins og hún hefur gert frá kosningum, mismikið milli kannanna.

Ríkisstjórnarflokkarnir mælast með samtals 49% nokkuð minna fylgi en ríkisstjórnin sem mælist með 58,2% núna var með 74,1% í fyrstu mælingu.

Súlan hjá Gallup sýnir lóðbeint fall á þessum stutta tíma.

Nú er sumarið framundan og sveitastjórnakosningar.

Líklega lafir þessi stjórn fram á næsta vor, nema eitthvað óvænt gerist, eins og allir vita þá eru framundan erfiðir tímar hjá VG og rest í stjórninni.