Oddviti Viðreisnar í Reykjavík ?

„Góður stuðningur í hefðbundnum prófkjörum hefur litla þýðingu, þegar leikreglum er breytt og uppstillingarvaldið sett í fárra hendur. Mér eru það vissulega vonbrigði að eiga ekki sæti á framboðslista Sjálfstæðisflokksins fyrir borgarstjórnarkosningarnar í vor.“

Eyþór Arnalds og Guðlaugur Þór leika lykilhlutverk hreinsana í Sjálfstæðisflokknum í Reykjavík.

Enginn efast um að Eyþór sparkaði Áslaugu Friðriksdóttur af listanum með bolabrögðum.

Áslaug var án vafa frjálslyndasti og víðsýnasti borgarfulltrúi flokksins á þessu kjörtímabili.

Hún þorði að hafa aðra skoðun ef flokkurinn í umdeildum málum, m.a. borgarlínu. Þess vegna fauk hún.

Nú er Áslaug í dauðafæri

Hún skuldar Eyþóri og flokknum ekki neitt, tvískinnungur og óheiðarleiki blasir við þegar ferlið er skoðað.

Viðreisn þarf konu í Reykjavík til að leiða lista flokksins.

Sjálfstæðisflokkurinn og Eyþór Arnalds fengju laglega á snúðinn semjist um slíkt milli Viðreisnar og Áslaugar.

Áslaug virðist hafa töluvert fylgi, sennilega hjá víðsýnni Sjálfstæðismönnum.

Viðreisn er frjálslyndari hægri flokkur en íhaldið í Valhallaflokknum.

Kannski sjáum við eitthvað alveg nýtt og spennandi þegar kemur að uppgjöri milli hægri flokkanna í Reykjavíkurborg.

 

Athugasemdir

[Einar Sveinn Hálfdánarson, 24.2.2018 kl. 08:08]

Það er góð regla að hugsa fyrst og setja svo rökin á blað. Lesa svo kannski yfir og skoða rökrænt samhengi. - Hvernig falla aðrar breytingar að samsæri þeirra Eyþórs og Guðlaugs? Var Kjartan Magnússon sem sé of víðsýnn og frjálslyndur fyrir Sjálfstæðisflokkinn? Af hverju bætirðu honum ekki við sem vonarstjörnu fyrir Þorgerði Katrínu? Þorgerði Katrínu sem nú er orðin hinn besti kostur!