Þorir VG að leiða ríkisstjórn ?

Meirihluti þeirra sem tóku afstöðu í nýjum Þjóðarpúlsi Gallup, eða 57 prósent, vill sjá Vinstri græn í nýrri ríkisstjórn. Næstflestir vilja að Framsóknarflokkurinn taki sæti í ríkisstjórn, eða 35 prósent, og 33 prósent vilja sjá Samfylkinguna í næstu ríkisstjórn.

Flestir vilja VG í ríkisstjórn og flestir vilja að VG leiði ríkisstjórn.

Auðvitað er ekki tímabært að ræða þessi mál af alvöru, það á víst eftir að kjósa.

En samt er eðlilegt að spyrja sig, þorir VG að leiða ríkisstjórn og semja um viðkvæm mál við aðra flokka ?

Fram að þessu hefur hinn ágæti formaður flokksins gugnað á að taka nokkur afgerandi skref eða taka frumkvæði.

Kannski breytist það og verður að breytast ef áherslubreytingar eiga að verða í stjórnmálum á Íslandi.

Hvað sem öðru líður, ef VG ætlar að halda áfram að vera á sama róli og síðustu misseri þá verður félagshyggjustjórn ekki að veruleika og Sjálfstæðisflokkurinn heldur áfram að velja sér samstarfsflokka.

Það þarf að vera hugrakkur í stjórnmálum ef maður vill breyta.

Viljum við það ?

Athugasemdir

[Jón Valur Jensson, 20.9.2017 kl. 15:41]

Á að leiða gamla kommúnistann Steingrím J. til öndvegis í ríkisstjórn?

Þá er nú Bleik brugðið -- íslenzkri þjóð!

[Jóhann Kristinsson, 20.9.2017 kl. 22:41]

Nei nei, ekki að breyta neinu, það þarf enga Ríkistjórn, fólk hefur þetta eins og það vill. Enda eru það ráðuneytisstjórarnir sem stjórna hvert eð er.

Það er hægt að reisa hátæknisjúkrahús fyrir seðlana sem sparast á því að hafa enga Ríkistjórn.

Kveðja frá Houston

[Ásmundur (IP-tala skráð) 21.9.2017 kl. 15:48]

Vg er tilbúið í stjórnarsamstarf með þeim sem vilja byggja upp innviðina, ekki síst heilbrigðis- og menntakerfið, og bæta hag hinna verst settu. Til að það geti orðið þarf að hækka skatta á þá tekjuhæstu með fleiri skattþrepum og leggja aftur á auðlegðarskatt. Þannig er einnig stefnt að meiri jöfnuði.