Hluthafar N1 þurfa sinn arð. Lítil saga af græðisvæðingunni.

Mér var sögð saga.

Lítil saga um græðisvæðingu samtímans á Íslandi.

Risafyrirtækið N1 er í bissness, þeir eru að græða á ferðamönnum með matar og olíusölu um allt land.

Falleg hugsjón að græða og ekki síst á saklausum ferðamönnum.

Litla sagan er um unga móður sem tók sér far með Strætó.

Eins og alltaf stansaði Strætó í Staðarskála, sem N1 rekur.

Unga móðirin hafði tekið með sér skál til að geta hitað pela fyrir barnið.

Hún í sakleysi sínu bað unga og greiðvikna aðgreiðslustúlku um heitt vatn í skálina. Ekkert sjálfsagðara og vatnið fékk hún.

En þá kom að þætti hluthafanna sem engu mega tapa, vatnið í þessa litlu skál kostaði 180 krónur, sama og disellíterinn á tönkunum úti.

Ungu móðurinn brá nokkuð við og auðvitað hafði hún getað farið inn á salernið og látið heitt vatn renna á pelann fyrir ekki neitt.

En hjá N1 er ekkert upp úr því að hafa að vera vitur eftirá.

 

 

Athugasemdir

[Ufsi (IP-tala skráð) 14.8.2017 kl. 14:09]

Hluthafarnir gráðugu eru að greiða afgreiðslustúlkunni yfir 50 krónur á mínútu í laun og gjöld. Húsnæðið er ekki ókeypis, rafmagn til hitunar og lýsingar o.s.frv. Sennilega hafa þeir, þrátt fyrir græðgina, tapað á þessum viðskiptum hafi stúlkan tekið meira en 3 mínútur í að hita vatnið og afgreiða ungu móðurina.

Íslendingum hefur lengi þótt það græðgi að heimta greiðslu fyrir vinnu og þjónustu. Og sárast ef einhver hefur hag af viðskiptum við þá.

[Jón Ingi Cæsarsson, 14.8.2017 kl. 14:28]

Gott að fulltrúi hluthafanna tjái sig hér.

Það eru margar hliðar á hverju máli.

[Ufsi (IP-tala skráð) 14.8.2017 kl. 18:16]

Þú ert þá væntanlega fulltrúi þeirra sem vilja ekki borga fyrir neitt.

Það eru ekki margar hliðar á því að heimta ókeypis vöru og þjónustu.

[Halldór Egill Guðnason, 15.8.2017 kl. 04:04]

Það er alveg hreint með ólíkindum, hve margir eru til, sem halda að það sé hægt að fá allt, fyrir ekki neitt.