Viðreisn svíkur kjósendur sína.

Ný rík­is­stjórn Sjálf­stæðis­flokks, Bjartr­ar framtíðar og Viðreisn­ar mun ekki leggja fram til­lögu á Alþingi varðandi mögu­lega um­sókn Íslands um aðild að Evr­ópu­sam­band­inu á nú­ver­andi kjör­tíma­bili.

_______________________

Hin fullkomnu svik.

Viðreisn blekkti kjósendur sína með ákveðinni stefnu í ESB málum.

Nú er það mál úr sögunni korteri eftir kosningar, ráðherrastólar eru meira virði.

Viðreisn hefur því logið kjósendur sína fulla og núna dansa þeir valsinn með móðurflokknum, eins og ég reyndar spáðí og skrifaði um fyrir kosningar.

Viðreisn er siðlaus flokkur sem situr uppi með þá staðreynd að þeir lugu, prettuðu og sviku kjósendur sína.

Margir miðju og jafnaðarmenn trúðu því að hér væri kominn frjálslyndur miðjuflokkur.

Niðurstaðan er hækja Sjálfstæðisflokksins þar sem þingmenn flokksins eru þarna bara til að fullnægja persónulegum metnaði sínum.

Sorglegt.

Evrópumálin sett á ís

Athugasemdir

[Valur Arnarson, 9.1.2017 kl. 18:55]

Nei, Viðreisn gerði það sem kallaðist alltaf á íslensku að "gera málamiðlanir" en kallast núna að "svíkja kjósendur". Þetta er m.a. ástæða þess hvers vegna gekk svona illa að mynda stjórn. Stjórnarandstaðan, Píratar, Samfylking, VG, BF og Viðreisn voru föst í móðursýki. Því miður held að það örli aðeins enn á þeirri móðursýki og því verði þessi stjórn ekki langlíf. Þjóðsóttin mun á endanum drepa hana, þú veist þessi sem birtist hér í færslunni þinni.

[Guðmundur Ásgeirsson, 9.1.2017 kl. 19:11]

Það er ekki "málamiðlun" þingflokka að virða stjórnarskránna heldur eiðsvarin skylda allra þingmanna.

[Pétur D. (IP-tala skráð) 9.1.2017 kl. 19:14]

Þetta er mjög ánægjulegt, enda á ekki að gefa eftir einn einasta millimetra af fullveldi landsins. Það væri svik við þjóðina.

[Guðmundur Ásgeirsson, 9.1.2017 kl. 19:19]

Ekki aðeins við þjóðina, heldur einnig við nýju stjórnarskránna frá 1944, sem allir þingmenn eru eiðsvarnir að.

[Þorsteinn Siglaugsson, 9.1.2017 kl. 23:16]

Það er auðvitað bara kjánalegt að kalla það svik þegar flokkar þurfa að gera málamiðlanir svo koma megi saman ríkisstjórn. ESB aðild er ekki eina stefnumál Viðreisnar.

[Snorri Arnar Þórisson, 10.1.2017 kl. 10:04]

Það er engin spurning að þetta eru svik við kjósendur enda var þessi flokkur nánast stofnaður utanum um þetta mál. Spurning hve margir sem hér tjá sig og telja þetta ekki svik kusu viðreisn? Einhver sem réttir upp hönd?

[Sveinn Þórhallsson (IP-tala skráð) 10.1.2017 kl. 13:07]

Það er engin málamiðlun ef akkúrat ekkert stefnumál flokksins ratar í stjórnarsáttmála. Það er eitthvað allt annað. "Hækja" er bara frekar góð lýsing á slíku fyrirkomulagi.